Anëtarët e Këshillit të Evropës të cilët bënë thirrje të mos ketë bojkot të zgjedhjeve presidenciale, gjatë qëndrimit në Maqedoni kanë takuar vetëm përfaqësuesit e VMRO DPMNE-së . Si pasojë e kësaj, sipas BDI-së, ka ardhur deri te moskuptimi i idesë së BDI-së për president konsensual dhe arsyen pse BDI-ja bën thirrje të mos votohet ndonjë kandidat presidencial në këto zgjedhje. Përfaqësuesi i Këshillit të Evropës Shtefan Shehen tha mbrëmë se BDI-ja nuk guxon të bëj presion mbi qytetarët, që të bojkotojnë zgjedhjet presidenciale.<br /><br /> "Delegacioni ynë nuk është shumë i lumtur që partia më e madhe shqiptare, ajo në pushtet, tenton të dështojnë zgjedhjet presidenciale. Kjo nuk është sjellje konstruktive dhe është e çuditshme në aspektin e demokracisë", tha mbrwmw Shtefan Shehen, Këshilli i Evropës. <br /><br />Nga partia e Ahmetit për ALSAT M thonë se: "BDI nuk ka ndërmend të bëj çfarëdo qoftë presioni ndaj qytetarëve gjatë fushatës. BDI vetëm do të bëjë thirrje të mos votohet asnjë kandidat presidencial".<br /><br />Në këtë drejtim ishte edhe deklarata e kryetarit të kësaj partie dhënë në "Rruga drejt..." në intervistën e tij të fundit para disa ditësh.<br /><br />"Ne nuk do të votojmë për kandidatin që e paraqet VMRO DPMNE, por ne nuk jemi polici politike dhe të shkojmë te shqiptarët dhe ti themi ti nuk mund të dalësh në vota", u shpreh Ali Ahmeti, kryetar i BDI-së.<br /><br />Ideja përfundimtare e BDI-së është dështimi i zgjedhjeve presidenciale, që do të sillte në vazhdim ndryshimet kushtetuese. Me këto ndryshime synohet që në të ardhmen presidenti i vendit të zgjidhet në Parlament, dhe të pamundësohet zgjedhja e tij pa pëlqimin e subjekteve politike shqiptare në vend. Benjamin Arifi
