VAU I DEJES- Janë vendosur në qytezën e Laçit të Vaut të Dejës, pasi shtëpitë e tokat ua mori liqeni i hidrocentralit, por akoma sot jetojnë në kapanone me çati prej eterniti. Janë mbi 200 familjeve te lagjeve "Lisen" dhe "Kinoklub" të cilët në vitin 1965- 1970 u detyruan të largoheshin duke lënë pronën, pasi ato do t'i zinte liqeni i hidrocentralit të Vaut të Dejës.<br /><br />Largimi i tyre u bë pa i pyetur nga shteti i atëhershëm, ndërsa me ta u popullua një pjesë e qytezës së Laçit të Vaut të Dejës, ku ata u vendosen në kapanonet me tulla, pa suvatim, që si mbulesë kishin eternit. Por ndërsa vitet kaluan, as shteti i atëhershëm dhe as ai i pas 1990-s nuk i kompensoi për shtëpitë e tokat që ua zuri liqeni i hidrocentralit të parë mbi lumin Drin.<br /><br />"Kjo është lagja e Lisen-it, ku kemi ardhur në 10 shtator të 1971-shit. Na ka sjellë partia e punës që kur është bërë hidroçentrali. Ajo s'na jepte të drejtat e tokës atë kohë, por tani që ka ardhur demokracia, nuk kemi marrë asnjë tokë.-u shpreh një banore e lagjes Lisen.<br /><br />Ndërsa vitet kalojnë, këta banorë shprehen se nuk kanë shpresë se ndonjë qeveri do t'i japë zgjidhje këtij problemi, ose t'u krijojë mundësi me kredi pa interes apo duke i kompensuar për pronat e humbura, që të vendosen diku apo të ndërtojnë shtëpi normale.
