ELBASAN- Zgjerimi i rrugës nga shkolla Pedagogjike deri në Krastë të Vogël në Elbasan ka shqetësuar 15 familje rome që preken nga ky projekt. Ata shprehen skeptikë për shpronësimin e tokave të tyre, pasi pasi nuk disponojnë certifikatën e pronësisë. Një vajzë e re rome shpreh shqetësimin e saj.<br /> <br /> "Rrezikojmë që të ngelemi jashtë. Ne duam shtëpi. Nëse qeveria na i prish shtëpiat ne do të ngelemi jashtë në rrugë. Mami dhe babi të dy janë pa punë."- tregoi një vajza rome.<br /> <br />Ndërkohë, pak ditë më parë bashkia e Elbasanit ka marrë aprovimin e një fondi nga ministria e financave për shpronësimet nga projekti i ndërtimit të rrugës së re. Qazim Sejdini, kreu i bashkisë së Elbasanit flet për A1 Report.<br /> <br />"Asnjë shtëpi nuk do të shembet pa marrë para. Nuk do të ketë asnjë rast ku ne do të themi që do ju shpronësojmë dhe më tutje të mos i japim paratë."-u shpreh Qazim Sejdini.<br /> <br />Sipas Sejdinit zbatimi i këtij projekti paraqitet i një rëndësie vitale për zhvillimin e mëtejshëm të infrastrukturës së qytetit dhe ndikimin e drejtpërdrejtë në rritjen e mirëqenies dhe të zhvillimit të vrullshëm ekonomik te Elbasanit.
