TIRANË - Protesta para Bashkisë së Tiranës nga ana e banorëve të cilët janë prekur nga ndërtimi i Bulevardit të ri. Ata kanë kërkuar nga ky institucion që të dëmshpërblehen ashtu siç duhet, me çmimet e tregut pasi çmimet e dhëna nga bashkia për banesat e tyre janë qesharake.<br /> <br />Njëri prej banorëve ka akuzuar Partinë Demokratike duke thënë se, banorët e kësaj zone janë viktima të politikës. "Ne jemi viktima të politikës sidomos të PD-së", tha njëri prej banorëve.<br /> <br />"Kam bërë një shtëpi 2 katëshe dhe ma kanë vlerësuar vetëm 60 mijë euro. Të vijë kush të dojë dhe nëse e bën një shtëpi prej 250 metrash katrorë për 60 mijë euro", deklaroi për median një tjetër banorë që ndodhej në protestë para Bashkisë së Tiranës.<br /> <br />Një tjetër banore ka kërkuar që të ndryshohet vendimi i Këshillit të Ministrave, i miratuar nga qeveria Berisha. "Kërkojmë ndryshimin e VKM-së që çmimet e banesave tona të jenë reale dhe shpronësimi të jetë real", tha ajo.<br /> <br />Punimet për ndërtimin e Bulevardit të ri të Tiranës që është zgjatim i bulevardit "Zogu i I", në drejtim të zonës së Paskuqanit janë bllokuar nga INUK-u pas kërkesës së bërë nga prefektura. Ky institucion tha se kishte marrë shumë ankesa nga banorët pikërisht për dëmshpërblimet e bashkisë për banesat e tyre.
