FIER- Rrugë të shkatërruara dhe thuajse të pakalueshme nga automjetet. Ky është aksi Fier-Komuna Krahës, i mbuluar nga gropa të mëdha, që sipas banorëve me gjendjen e amortizuar të rrugëve është e pamundur transportimi i ndonjë të sëmuri për në spital.<br /> <br />"Sikur të jesh i sëmurë dhe të vesh në spital për vizitë nuk vete dot i gjallë, vdes rrugës", thotë një banor.<br /> <br />"Rruga është beter, të kesh një të sëmurë nuk shkon dot në spital, vdes rrugës" , tregon një tjetër.<br /> <br />Banorët ankohen se si pasojë e rrugëve të shkatërruara nuk transportojnë dot as prodhimet bujqësore, që për shumë prej tyre janë të ardhurat kryesore.<br /> <br />"Jemi gjithë këta banorë që kalojmë në këtë rrugë dhe kjo është për faqe të zezë. Shpresojmë të bëhet por asnjë nuk po bëhet. Prodhimet që i kemi nuk i nxjerrim dot duhet çizme për të kaluar këtu", thotë një tjetër banor i Krahësit.<br /> <br />Kjo rrugë lidhet me komuna të tjera si Mbrostra, Libofshë, Seman, Portëz etj.
