TIRANË- Reduktimi i vdekshmërisë foshnjore dhe parandalimi i lindjes parakohe të nënës, kanë qenë kryefjala e diskutimeve, që mblodhi bashkë gjinekologët më të mirë nga Shqipëria, Mali i Zi, Maqedonia dhe Kosova, në kongresin e 7 të organizuar në vendin tonë.<br /><br />Ajo që është theksuar si prioritare, duket se ka qenë shëndeti i nënës dhe fëmijës edhe pse për këtë të fundit, avancimi i teknologjisë ka bërë që të parandalohet lindja e fëmijëve handikapë.<br /> <br />"Kjo lidhet kryesisht me vlerësimin e hershëm të riskut për gruan dhe beben e saj. Diagnostifikimin e hershëm të anomalive fetale si dhe masat parandaluese apo trajtimin më të mirë të porsalindurve të fëmijëve ne peshë të vogël", tha mjeku Orion Gliozheni gjatë fjalës së tij.<br /><br />Por problem për mjekun Glozheni vijon të jenë lindjet e parakohshme, çka rrisin riskun e jetëgjatësisë së foshnjës.<br /><br />"Vdekshmëria të porsalindurve në moshë të vogël është 40 herë më e lartë ajo e fëmijëve të lindur në kohë. Dëmtimet e sistemit nervorë të fëmijëve para kohë janë rreth 10 herë më të shpeshta nga ato të fëmijëve të lindur në kohë. Dhe me të meta mendore është rreth 5 herë më e madhe se ato të lindur në kohë", tha mjeku Gliozheni.<br /><br />Zv/ministrja e Shëndetësisë Milva Ekonomi, vlerësoi lehtësirat monetare që shteti ka vënë në dispozicion të grave shtatzëna, në rastin konkret e eko-ve falas në gjithë periudhën e shtatëzanisë. Por prioritare sipas saj, mbetet infrastruktura spitalore që vjen në investime bashkëkohore. <br /> <br />Por, a kanë informacionin e duhur gratë dhe vajzat sa i takon shtatzanisë dhe atë që ofrohet nga spitalet tona? Duket se media zë rol kryesor, e për këtë, në konferencë një vend i veçantë i ishte rezervuar dhe gazetarit Carlo Bollino, që ka treguar interesin e tij sa i takon çështjeve të shëndetësisë, konkretisht "kancerin në gji". <br /><br />Kongresi shkencor do të mbahet nga data 14 deri në datën 16 mars.
