TIRANË - Goditet me gurë autobusi i linjës Tiranë -- Lundër, që në momentin e ngjarjes ishte i mbushur me pasagjerë.<br /><br />Persona të paidentifikuar kanë qëlluar gjatë mbrëmjes së sotme ndaj autobusit që ishte duke udhëtuar nga Tirana me destinacion Lundrën.<br /><br />Burime nga Policia e Tiranës kanë bërë të ditur se, nga incidenti nuk ka persona të plagosur, ndërsa ka disa dëmtime materiale.<br /><br />Aktualisht mendohet se, shkak për ngjarjen është konkurrenca mes dy firmave që transportojnë pasagjerë të këtyre zonave.<br /><br />Të njëjtat burime thanë se, autobusi u qëllua me gurë dhe mjete të forta metalike. Ky është incidenti i dytë brenda pak orëve.<br /><br />Pak orë më parë, rreth pasdites, është goditur me gurë edhe një autobus në Mullet. Edhe ky autobus ishte i linjave të Tiranës me fshatrat.<br /><br />Uniformat blu kanë nisur hetimet në lidhje me ngjarjet e ndodhura gjatë ditës së sotme.
