BALLSH- " E padita në Komisariat" kjo ka qenë deklarta Besnik Çelës për "A1 Report" për presidentin e ekipit të Bylysit, Besnik Kapllanaj i cili e ka goditur me shkop gome dhe e ka kërcënuar delegatin e Federatës Shqiptare të Futbollit.<br /><br />Ngjarja ka ndodhur në fundin e ndeshjes mes Bylisit dhe Laçit e zhvilluar në qytetin e Ballshit, në dhomat e zhveshjes ku Presidenti i ekipit t Bylisit, Besnik Kapllanaj ka sulmuar delegatin e FSHF-së, Besnik Çela me shkop gome duke e goditur disa herë në kokë dhe e ka kërcënuar. <br /><br />Në një prononcim për "A1Report", Besnik Çela ka rrëfyer të gjithë ngjarjen. "Në fund të ndeshjes, po prisja gjyqtarët për t'u futur në dhomat e zhveshjes.<br /><br />Në atë moment shfaqet Presidenti i Bylisit, Besnik Kapllanaj me një shkop gome duke më qëlluar disa herë në kokë. Nuk e di arsyen, pse më kërcënoi dhe më që qëlloi. Po marr mjekimin në spitalin e qytetit të Fierit dhe më pas do të depozitoj kallëzimin në Komisariat për Besnik Kapllanajn për dhunën që ushtroi",- deklaroi ai.<br /> <br />Pas mbarimit të takimit Presidenti Besnik Kapllanaj në dhomat e zhveshjes ka pasur një konflikt verbal me të deleguarin e FSHF-së më pas e ka goditur me mjetë të forta.<br /><br />Çela ka marrë disa plagë dhe është transportuar menjëherë me ambulancë në spitalin e qytetit të Fierit për të marrë ndihmën e parë.<br /><br />Ndeshja mes Bylisit dhe Laçit nisi 20 minuta me vonesë dhe ishte e kontestuar gjatë gjithë 90'. Përplasjet mes Çelës dhe stafit të Bylisit kanë nisur që në fillim<br /><br />të ndeshjes, pasi delegati nuk ka lejuar që të nisë ndeshja nëse nuk do të dilnin nga stadiumi të gjithë personat e pa autorizuar, pasi ndeshja do të zhvillohej pa tifozë duke qenë se fusha ishte dënuar nga Disiplina.<br /><br />Në minutën e fundit situata agravoi, pasi arbitri akordoi një penallti kundër Bylisit, të cilën futbollistët e Ballshit nuk e lejuan të goditej. <br /><br />Megjithatë pas disa minutash Vucaj e humbi penalltinë duke e mbyllur takimin në barazim pa gola.<br /><br />Besnik Kapllani, për sjellje josportive ndaj zyrtarëve të ndeshjes ndaj Vllaznisë ishte dënuar me 8 ndeshje pezullim nga aktiviteti, por ai ka qenë i pranishëm në mjediset e stadiumit, madje ka goditur edhe zyrtarin e lartë të FSHF-së.<br /><br />FSHF DËNON DHUNËN, THIRRJE POLICISË TË JETË MË AKTIVE<br />Ndërkohë, Federata Shqiptare e Futbollit në një reagim ka dënuar ngjarjen e ndodhur sot në dhomat e zhveshjes në Bllash, aty ku u zhvilluar ndeshja mes Bylisit dhe Laçit.<br /><br />Në reagimin për mediat, FSHF-ja informon se gjatë gjithë kohës president i ekipit të Bylisit ushtronte presion verbal ndaj delegatit të FSHF-së ndërsa bën thirrje policisë që të tregohet më aktive ndaj fenomenit të dhunës në stadiume.<br /><br />"FSHF dënon ashpërsisht këtë akt të rëndë dhe të dhunshëm, që kërkon të prishë bukurinë dhe imazhin e futbollit. Këto incidente të dhunshme ndaj zyrtarëve të FSHF, që dëmtojnë rëndë lojën dhe prekin thellësisht të gjithë opinionin futbolldashës, do të jenë objekt i ndëshkueshmërisë së të gjitha Komisioneve tona, sipas rregulloreve dhe dënimeve më ekstreme, që...
