Konfirmohen identitetet e 6 shqiptarëve të vrarë gjatë luftimeve përkrah grupeve rrebele ndaj regjimit të Asad në Risi. <br /><br />Dosjes së Prokuorisë së Krimeve të Rënda, e cila po heton grupin e rekrutimeve për luftën e Xhihadit në Siri, u janë shtuar emrat e 6 të vrarëve Anri Maliqaj, 33 vjeç, nga Prush në Tiranë; Ermal Xhelo, 35 vjeç nga Vlora; Diamant Rasha nga Tirana; Hasan Korvafaj, 58 vjeç nga Tirana, Hamit Myslija 41 vjeç nga Lapraka në Tiranë; Denis Jangulli po nga Tirana. <br /><br />Ndërsa rezultojnë të zhdukur Ervis Alinji dhe Bledar Hamza. <br /><br />Identitetet dhe të dhënat për rastet i janë dërguar Krimeve të Rënda nga Shërbimi Informativ Shtetëror. <br /><br />Javën e kaluar Prokuroria e Krimeve të Rënda ndërmori një operacion për goditjen e rrjetit të rekrutimeve për të luftuar në Siri. <br /><br />Në pranga ranë 8 persona, mes të cilëve edhe dy të akuzuarit si organizatorët kryesor imami I xhamisë së Unazës së Re në Tiranë, Genci Balla si edhe imami I xhamisë së Mëzezit, Bujar Hysa. <br /><br />Ndërsa janë në kërkim 5 persona të tjerë, të cilët dyshohet se ndodhen në kufirin mes Sirisë dhe Turqisë.
