BEOGRAD- Darko Shariç, i njohur si "mbreti i kokainës në Ballkan", është arrestuar sot në një aksion të përbashkët të policisë së Malit të Zi dhe Serbisë, bëjnë të ditur mediat serbe.<br /><br />Shariç ishte shpallur në kërkim që prej 2009-tës, pas një megaoperacioni në Uruguajë ku u sekuestruan 2.8 ton kokainë e destinuar në shtete të ndryshme të Europës, përfshi edhe Italinë.<br /><br />Zyra e Prokurorit Serb për Krimin e Organizuar ka ngritur pesë akuza për Darko Sariçin për tregti ilegale droge dhe pastrim parash.<br /><br />Operacioni për arrestimin e tij është koordinuar nga dy minsitrat e drejtësisë, ai serb Nikola Selakoviç dhe ai i Malit të Zi, Dushko Markoviç. Në Bograd ministri i Drejtësisë pritet të japë më shumë detaje në një konferencë për shtyp. <br /><br />Darko Shariç ishte i pari në listën e shumë të kërkuarve dhe cilësohet si një sukses i policisë serbe pas arrestimit të Miroslav Miskoviç, miliarderit të arestuar dy vjet më parë për mashtrim dhe abuzim me miliona euro.<br /><br />Kryeministri i ri i dalë nga zgjedhjet e së dielës, 16 mars ka konsideruar luftën kundër korrupsionit dhe krimit një ndër objektivat e tij kryesore.
