TIRANE - Bashkëpunimi në fushën e shëndetësisë mes Kosovës dhe Shqipërisë do të shrihen edhe në investimet spitalore. Dy ministrat, Ilir Beqja dhe Ferid Agani të ulur bashkarisht në një work-shop thanë se do të rakordojnë investimet në spitalet e dy vendeve, duke zgjeruar gamën e shërbimeve dhe rritur cilësinë. <br /><br />"Shumë shpejt do të krijojmë një komitet të përbashkët pune, në mënyrë që të rakordojmë planet e investimeve. Nëse ne do të kemi një qendër competence, në Kosovë për një patologji të caktuar, ku Ministria e Shëndetësisë zoti Agani janë më përpara, atëherë ne në Shqipëri do të bashkëpunojmë në një gjë tjetër në mënyrë që në këtë hapësirë, burimet e kufizuara që kemi të mund t'i përdorim më me efiçencë." tha ministri Beqja<br /> <br />Ndërkaq në fjalën e tij ministri i shëndetësisë së Kosovës, Ferid Agani tha: "Të punojmë sa më shpejt që është e mundur në programe të përbashkëta në rrafshin kombëtar, të programeve në sektorin e shëndetësisë të dy shteteve të cilët do të mundësojnë shfrytëzimin sa më racional të resurseve njerëzore dhe teknologjike në dispozicion të dy sistemeve shëndetësore."<br /><br /><br />Work-shopi për shëndetësisë i zhvilluar sot në hotel Sheraton solli në vëmendje edhe rëndësinë e partneritetit privat-publik, duke synuar që të përdoret eksperienca e privatit në shërbim të cilësisë së shënrbimit spitalor. Më konkretisht ky bashkëpunim po shihet në shërbimet laboratike, në radiologji, urgjencë dhe mirëmbajtjen e aparaturave mjekësore.<br /> <br />"Sot kemi ftuar të gjithë partnerët për të bërë një bisedë në tryezë të rrumbullakët për të ndarë përvojat dhe eksperiencat se si mund ta përfshijmë më mirë sektorin e kualifikuar privat në mënyrë që disa shërbime shëndetësore t'i kalojë sektorit privat port ë kontrollohen, të përmirësohen, të moderohen, edhe nga strukturat përkatëse shtetërore" tha për 'A1 Report', përfaqësuesja e IFC për Shqipërinë e Kosovën, Elira Sakiqi <br /><br />Në këtë seminar merrnin pjesë specialistë të kujdesit shëndetësor privat nga e gjithë bota për të ndarë eksperiancat e tyre. Ai synon të këshillojë institucionet për të angazhuar sektorin privat në shërbimet themelore publike.
