BALLSH - Presidentit i ekipit të Bylysit, Besnik Kapllanaj është dorëzuar në polici pak ditë pas incidentit të ndodhur në përfundim të ndeshjes Bylis-Laci.<br /><br />Pas ndeshjes së të shtunës së 15 marsit, Kapllanaj akuzohet se ka goditur me sende të forta në kokë delegatin e FSHF-së të ndeshjes, Besnik Cela si dhe ka dhunuar edhe disa futbollsitë të skuadrës kurbinase.<br /><br />Përpara se të vetëdorëzohej Kapllanaj komunikoi me mediat duke sqaruar se të vërtetën për incidentin e ndodhur do ta rrëfente në polici dhe se ia lë në dorë organeve të drejtësisë dhe disiplinës sportive.<br /><br />Ai sqaroi se nuk e dinte që ishte në kërkim ndërsa i pyetur nëse e ka goditur apo jo shefin e sektorit të garave në FSHF, Kapllanaj nuk ka komentuar por ka thënë se ketë do e tregojë në polici.<br /><br />Besnik Kapllanaj po ashtu zyrtarizoi edhe dorëheqjen si President i skuadrës pasi sipas tij kanë ndodhur shumë padrejtësi ndaj Bylisit.<br /><br />Ky është rasti i parë që pas dhunës të shkaktuar në stadiumet shqiptare çështja ndiqet penalisht edhe pas kallëzimit të bërë nga delegate Cela.<br /><br />Po sot pritet që për këtë ngjarje të japë verdiktin edhe Komisioni i Disiplinës në FSHF ku Bylisi rrezikon shumë deri edhe në përjashtim nga kompeticioni.
