TIRANË- Brenda një dite dy ambasadorë të shteteve të rëndësishme, Gjermani e Franca deklarojnë se shqiptarët nuk duhet të kërkojnë azil pasi nuk do u jepet. <br /><br /> Ambasadori i Gjermanisë, Hoffman tha se vetëm një numër i kufizuar personash do të mund të marrin azil në këtë shtet, ndërsa theksoi se kërkesat për azil nuk duhet të cenojë liberalizimin e vizave. Kjo është deklarata e dytë për ditën e sotme, pas ambasadores së Francës që tha se asnjë azilkërkues nuk do ta fitojë azilin. <br /> <br />"Ka një rritje të numrit të azilkerkuesve. Nuk e kuptojme pse. Shqipëria ka probleme ekonomike dhe jo për të drejtat e njeriut. Kush kerkon azil politik nuk e merr!" ka thënë ambasadorja franceze, Christine Monro.<br /><br />Në një konferencë për mediat, i shoqëruar nga zv/ministrja e Brendshme, Elona Gjebrea, ambasadori gjerman në Shqipëri, Hellmut Hoffmann konstatoi se nga 100 kërkesa vetëm 1 personi mund t'i aprovohet kërkesa për azil në Gjermani.<br /> <br />"Konstatohet se nga 100 azilkërkues e marrin vetëm 1. 99 të tjerët duhet të kthen në Shqipëri", tha ai ndërsa theksoi se, "liberalizimi i vizave nuk duhet të cenohet nga kërkesat për azil."<br /> <br />Kjo do të jetë një masë, tha ambasadori, që do të kufizojë njerëzit që mashtrojnë me qëllim fitimin e azilit, ndërsa tha se arsye më e shpeshtë është ajo e gjakmarrjes.<br /> <br />"Kjo bëhet edhe një mënyrë për shumë njerëzit të cilët gënjejnë për të marrë azil në Gjermani, kjo është e gabuar", u shpreh ambasadori gjerman.<br /> <br />Sipas tij fenomeni i gjakmarrjes "luan një faktor të madh në këtë proces. "<br /> <br />Ai u bëri apel të gjitha autoriteteve të vendit të ndëshkojnë personat të cilat kërcënojnë me hakmarrje dhe shteti t'i marrë në mbrojtje ata të cilat janë viktima të këtij fenomeni.<br /><br />Kjo si një masë për vënin nën kontroll të kërkesave të shuma për azil në shtetin gjerman.<br /><br />Ndërsa zv/ministrja e Brendshme, Elona Gjebrea premtoi se "Do të mbajmë nënë kontroll liberalizimin e vizave." Ajo shtoi se, "qytetarët shqiptarë të respektojnë rregullat shengen. Do ngrihet taskë -forcë nga disa institucione",
