TIRANË- Një këmbësor ka përfunduar në vdekje klinke në një aksident të ndodhur në mesditë pranë ish-Kominatit "Misto Mame", në Tiranë. Ngjarja ka ndodhur në rrugën "Besim Alla", kur automjeti tip "Volkswagen Polo", me targa AA 658 DZ që drejtohej nga 40-vjeçari Daniel Karanxha, ka dalë nga rruga dhe është përplasur me një shtyllë ndriçimi. <br /><br />Për pasojë është goditur dhe ka marrë plagë të rënda këmbësori 18-vjeçar, Ergi Matoshi. <br /><br />Sipas mjekëve të spitalit të Traumës, Matoshi ka mbërritur në urgjencë në vdekje klinike dhe po bëjnë të pamundurën për ta mbajtur në parametrat jetësorë. <br /><br />Dëmtime të rënda, por që nuk i rrezikojnë jetën ka patur edhe drejtuesi i mjetit Karanxha.<br />Policia ka mbërritur në vendin e ngjarjes për zbardhjen e plotë të rrethanave.
