TIRANË - Dita Ndërkombëtare e Frankofonisë që është 20 marsi, do të pasohet nga një javë aktivitetet në vendin tonë. Në ceremoninë e hapjes së "Pranverës Frankofone" të organizuar këtë të enjte nga ministria e punëve të jashtme, janë nderuar me çmime nderi 15 personalitete të spikatura të Frankofonisë.<br /> <br />Ambasadorë, politikanë, intelektualë, njerëz të artit e të kulturës këtë të enjte janë mbledhur të gjithë së bashku për të festuar Ditën Ndërkombëtare të Frankofonisë që është më 20 mars. Ky aktivitet i organizuar nga ministria e Punëve të jashtme, ka hapur siparin e aktiviteteve që do të zhvillohen në kuadër të "Pranverës së Frankofonisë" nga 20-29 mars 2014.<br /> <br />Në mungesë të ministrit të punëve të jashtme Ditmir Bushati, i cili ishte në një takim pune jashtë vendit, drejtimi I këtij aktiviteti I është besuar një frankofoneje të njohur në Shqipëri, ministres së kulturës, Mirela Kumbaro.<br /> <br /> "Qeveria shqiptare si një anëtare me të drejta të plota e Organizatës së Frankofonisë është e angazhuar për përhapjen e gjuhës frënge në sistemin shkollor por jo vetëm. Ne i njohim vlerat e frëngjishtes edhe në fushën e përkthimit dhe gjithashtu ajo është një mjet qe i lejon studentët shqiptarë të ndërmarrin studime në vendet frankofone"<br /> <br />Në ceremoninë e kremtimit të Ditës së Frankofonisë, autoritete shqiptare kanë nderuar me certifikata nderi, 15 personalitete të fushave të ndryshme, për kontributin e dhënë në përçimin e gjuhës dhe kulturës frënge. Shqipëria që prej 15 vitesh është anëtare me të drejta të plota të Organizatës Botërore të Frankofonisë.<br /> <br />PERSONALITETET E NDERUARA:<br />Angjelin Preljocaj<br />Tedi Papavrami<br />Anri Sala<br />Luan Rama<br />Gjergji Themeli<br />Rezart Jasa<br />Genc Burimi<br />Liri Begeja<br />Gazmend Toska<br />Elena Kadare<br />Etleva Domi<br />Michel Berson<br />Viviane Le Dissez<br />Imma Thor Faus<br />Pëllumb Nako
