STAMBOLL- Një sulm terrorist ka ndodhur në Turqi dje, ku si pasojë kanë humbur jetën një polic dhe një shofer kamioni ndërsa 5 ushtarë janë plagosur. Të dyshuarit si organizatorë të sulmit janë 3 shqiptarë, që dyshohet se janë pjesë e celulës terroriste të lidhur me Al-Kaedën.<br /><br />Siç bëjnë të ditur mediet lokale, një makinë në të cilën ndodheshin 3 personat që flisnin arabisht ka sulmuar forcat e sigurisë turke në vendin e quajtur Nigde Ulukisla. Një shofer kamioni dhe një polic humbën jetën, ndërsa 5 ushtarë mbetën të plagosur. <br /><br />Pas kryerjes së hetimeve nga policia, ministri i Brendshëm turk, bëri të ditur se 3 sulmuesit ishin shqiptar, Ata janë: 18 vjeçarët E.S dhe E.A nga Shqipëria dhe Ç.R nga Kosova, që dyshohet se kanë qenë pjesë e celulës terroriste të lidhur me Al Kaeda-n, ISID.<br /><br />Sipas xhandarmërisë dhe policisë së Nigde-s, dje rreth orës 11:00 është ndaluar një makinë e dyshimtë në pikën e kontrollit në Hatay. Gjatë kësaj kohe një person nga makina ka sulmuar me automatik kallashnikov dhe granata dore forcat e sigurisë ku kanë mbetur të vrarë 2 vetë dhe janë plagosur 5 të tjerë.<br /><br />Ndërsa zv/kryeministri Beshir Atalaj, ka thënë se nga informacionet që kishte marrë vuri në dukje lidhjet siriane, duke thënë se "disa njerëz mund të dëshirojnë të shkaktojë trazira para zgjedhjeve."<br /><br />"Ne nuk kemi vuajtur nga sulmet terroriste për një kohë të gjatë. Është e kuptueshme se ai nuk është një sulm i brendshëm terrorist, por po vjen nga jashtë për të helmuar atmosferën parazgjedhore", ka thënë ai.
