TIRANË - Partia Socialiste ka reaguar pas deklaratës së bërë nga deputeti i PD-së, Ridvan Bode në lidhje me reagimin e FMN, që sipas saj është e alarmuar për shkak të rritjes së borxhit.<br /> <br />Me anë të sekretarit të Ekonomisë, Ervin Bushati, PS tha se, "gjatë 8 viteve të qeverisë Berisha, Shqipëria u zvarrit në shumë drejtime. Papunësia arriti kulmin, ekonomia u zhyt në krizë, korrupsioni lulëzoi ngado".<br /> <br />"Sot, në opozitë, Partia Demokratike është kthyer në zëdhënëse të pasigurisë- duke kërkuar të mbjellë frymën e pasigurisë kudo. Gënjyen në dhjetor kur thanë se çmimi i karburantit do të rritej, por në fakt çmimi u ul", tha Bushati.<br /> <br />Sipas sekretarit të Ekonomisë "deshën të mbillnin pasiguri kur pretendonin se çmimi i bukës do të shtrenjtohej: por në fakt çmimi nuk ndryshoi. Sot dhe dje kanë vënë kujën se gjoja do të rriten taksat, por realiteti është ndryshe".<br /> <br />Bushati tha se, "qeveria e re i ka dhënë 97% të punonjësve më shumë siguri, më shumë të ardhura- përmes uljes së ndjeshme të taksave. Biznesi i vogël sot paguan më pak, ndërkohë që biznesi i madh ka gjetur një partner tek qeveria. Të dhënat nga doganat dhe tatimet janë inkurajuese dhe shifrat japin optimizëm se Shqipëria ka filluar të ketë progres".<br /> <br />"Fondi Monetar Ndërkombëtar parashikon rritje të ndjeshme ekonomike dhe progres në vitet që do të vijnë. Qeveria është e vendosur dhe po punon për të sjellë progres, siguri, inovacion", përfundoi deklarata e sekretarit të Ekonomisë, Ervin Bushati.
