PEJË - Dy persona kanë humbur jetën, ndërsa 5 të tjerë janë plagosur si rezultat plumbave në Pejë. I vrari është një 28-vjeçar me emrinValdet Kelmendi, i njohur si Lara. Zëdhënësi i Policisë për rajonin e Pejës, Xhevat Ibraj thotë se në këtë ngjarje njëri prej viktimave është kalimtar i rastit.<br /><br />Policia është në hetime intensive për ngjarjen ku u vranë dy persona; njëri prej të cilëve kalimtar i rastit, ndërsa pesë të tjerë po trajtohen në spitalin e qytetit.<br /> <br />Mësohet se i vrari është një 28-vjeçar, Valdet Kelmendi, i njohur si Lara. Dyshohet se ai ka qenë objektivi i sulmit, derisa për kalimtarin e rastit ende nuk bëhet i ditur identiteti. Vrasja duket se ka motive hakmarrjeje, thanë burime të policisë.<br /> <br />Ngjarja ndodhi në qendër të Pejës, afër Hotel Gold. Ata u vranë nga disa persona që qëlluan nga një veturë në lëvizje.<br /> <br />Makina me të cilën dyshohet se është kryer vrasja, është gjetur duke iu djegur në nja fshat larg qytetit të Pejës. Autori, apo autorët e vrasjes pasi janë larguar nga Peja i kanë vënë zjarrin dhe e kanë braktis atë në një fshat në drejtim të Lugut të Baranit, rreth dhjetë kilometra larg Pejës.<br /> <br />Zjarrfikësit kanë dalë në vendin e ngjarjes duke bërë përpjekje për të ndaluar në mënyrë që të kërkojnë gjurmët.<br /> <br />Vrasja duket se ka motive hakmarrjeje, ndërkohë që një zyrtar i policisë, në kushte anonimiteti, i tha gazetës se kjo vrasje mund të jetë e lidhur edhe me ato të para disa muajve ku u vra Xhekë Kelmendi e Kastriot Kukaj.<br /><br />ORA 17:20 PERLESHJE ME ARME NE PEJE, DY TE VDEKUR<br />Dy persona kanë humbur jetën, ndërsa 5 të tjerë janë plagosur si rezultat i gjuajtjes me armë zjarri. Zëdhënësi i Policisë për rajonin e Pejës, Xhevat Ibraj thotë se për KosovaPress se në këtë ngjarje njëri prej viktimave është kalimtar i rastit dhe janë plagosur pesë të tjerë, po ashtu kalimtarë rasti.<br /> <br />Ibraj konfirmon se rasti ka ndodhur në orën 15 e 40 në afërsi të Hotel Gold, në magjistralen Pejë - Deçan. Këto të shtëna, sipas Policisë kanë ardhur nga një makinë për të cilën ende nuk dihen motivet por as të dyshuarit.<br /> <br />Ibraj ka thënë se, pas disa minutave, makina e njëjtë e cila dyshohet se janë shkrepur plumbat është gjetur e djegur në fshatin Pishtanë, komuna e Pejës.<br /> <br />"Makina është gjetur në këtë fshat dhe autoritetet përgjegjëse kanë arritur ta shuajnë zjarrin për shkak të mos-humbjes së gjurmëve. Policia e ka aktivizuar një operacion në<br />gjashtë komunat përreth", ka thënë Ibraj.
