KSHZ me katër vota pro dhe 3 kundër pranoi ankesën e LSDM-së që ka të bëj me fillimin e fushatës para kohe të kandidatit për president nga radhët e VMRO DPMNE-së Gjorge Ivanov. Vendimi nënkupton ngritjen e procedurës kundërvajtës ndaj Ivanovit për shkelje të kodit zgjedhor konkretisht të nenit 69 i cili sanksionohet me ligj. Vota pro ishte për shkak se llogaridhënia e tij më 14 mars shkel kodin zgjedhor ndërsa veç më ishte përcaktuar lista me emrat e kandidatëve nga ana e KSHZ-së. Anëtarët e KSHZ nga radhët e VMRO-DPMNE ishin kundër ankesës me arsyetim se llogaridhënia është obligim i çdo funksionari.<br /><br />"Mendoj se llogaridhënia e presidentit të RM-së në formë dhe përmbajtje paraqet akt të dhënies së llogarisë për angazhmanet dhe punët tjera të kryera gjatë ushtrimit të mandatit të funksionit publik. Në fakt është obligim i çdo bartësi të funksionit publik që të raportoj për punën e tij gjatë mandatit", deklaroi Sasho Srcev, anëtar i KSHZ.<br /><br />"Vendi i tij për llogaridhënie dihet se ku është, në Kuvend. Ai ëpr punën e tij çdo fund vit, posaçërisht gjatë muajit dhjetor jep llogari për gjithë vitin. Atë e ka bërë në vitin 2009, 2010 dhe të fundit në vitin 2013, para 3 muajve", tha Nikolla Rillkoski, kryetar i KSHZ.<br /><br />Edhe anëtarët shqiptarë Ibrahimi dhe Jakupi theksuan se kodi zgjedhor është shkelur dhe se Ivanov kishte fillua fushatën para kohe.<br /><br />"Në bazë të dëshmive që kemi, mendoj se kemi shkelje të nenit 69-a të kodit zgjedhor dhe kemi fillim para kohe të fushatës nga ana e kandidatit kur veç më është përcaktuar kandidatura në listën e kandidatëve", u shpreh Bedredin Ibrahimi, anëtar i KSHZ.<br /><br />"Për ankesën e parë pa dyshim se ka shkelje të nenit 69-a dhe atë nuk mund ta kontestojmë assesi. Për ankesën e dytë ndaj VMRO-DPMNE-së ne akoma nuk kemi përcaktuar listën e kandidatëve që ta konstatojmë si shkelje të nenit 69", theksoi Subhi Jakupi, nënkrytar i KSHZ.<br />KSHZ refuzoi ankesën tjetër që kishte të bëj me llogaridhënien e qeverisë për shkak se akoma nuk janë përcaktuar listat e deputetëve. Gjyltene Rexhallari
