MALAJZI- Ministri i Transportit të Malajzisë Hishammuddin Hussein bëri të ditur në një deklaratë për shtyp se sateliti francez ka gjetur 122 objekte të reja të cilat besohet se i përkasin avionit të zhdukur "Boeing 777", në jug të oqeanit Indian. Sipas tij, objektet kanë madhësi të ndryshme duke nisur nga 1 metër e deri në 23 metra, çka bën të mendosh se janë pjesë të avionit me 239 persona në bord.<br /> <br />Hussein shtoi se objektet gjenden 2,557 km larg qytetit të Perth në Australi. Sipas tij, numri i pistave të ndryshme nga satelitët shkon në 4. Pikërisht këto pista do të ndihmojnë në zvogëlimin e rrezes së kërkimeve.<br /> <br />I pyetur në lidhje me kutinë e zezë të avionit të zhdukur, ministri i Transportit malajzian tha se shumë shpejt do të arrinin ta lokalizonin.<br /> <br />Fluturimi "MH370" me 239 persona në bord humbi kontaktet me kullën e vrojtimit ndërkohë që fluturonte nga Kuala Lumpur për në Pekin, më 8 mars.
