TIRANE - Ministri i Shtetit për Çështjet Vendore, Bledi Çuçi, në bashkëpunim me programin e USAID-it për Planifikimin dhe Qeverisjen Vendore, prezantuan sot në pallatin e Kongreseve në Tiranë procesin për hartimin e Strategjisë së re Ndërsektoriale për Decentralizimin dhe Qeverisjen Vendore.<br /> <br />Gjatë fjalës së tij në këtë aktivitet, Ministri Çuçi vlerësoi strategjine si hap të parë drejt decentralizimit të pushtetit vendor. "Në kuadër të reformimit të qeverisjes vendore, reforma e decentralizmin është thelbësore", theksoi ministri.<br /> <br />Sipas tij, pavarësia e pushtetit vendor, është mënyra më mirë për ta shndërruar atë në promotor të zhvillimit dhe për ta bërë më eficent në ofrimin inovativ të shërbimeve publike.<br /> <br />"Qeveria nëpërmjet kësaj strategjie, synon t'i japë fund një sistemi jo funksional të qeverisjes vendore dhe t'i shërbejë modernizimit të shtetit", tha Çuçi.<br /> <br />I pranishëm në këtë aktivitet, Ambasadori i SHBA-së në Tiranë, Aleksandër Arvizu, vlerësoi reformën administrativo-territoriale të lidhur ngushtësisht me reformat e tjera që do ndërmerren në funksion të zhvillimit shumëdimensional të vendit.<br /> <br />Sipas kryedipliomatit amerikan, decentralizimi i qeverisjes vendore dhe reforma administrativo-territoriale do të mund të prodhojnë një qeverisje më të përgjegjshme ndaj kërkesave dhe interesave të qytetarëve.
