GREQI- Një thyerje e fuqishme e kafazit të kraharorit mendohet të jetë shkaku i vdekjes së shqiptarit që para 3 ditësh vrau një gardian grek, ndërsa protesta masive po përgatiten nga shqiptarët në 4 burgje të Greqisë.<br /> <br />Në rrugë zyrtare Ministria greke e Drejtësisë pohoi se "I pandehuri, 40-vjeçari Ilia (Ilir) Kareli u transferua dje në burgun Nigritas (27 mars), për arsye të sigurisë personale.<br /><br />Është vendosur në një dhomë për të sapoardhurit dhe u veçua nga të burgosurit e tjerë në orën 18.30, kështu që nuk ka pasur monitorim të vazhdueshëm nga stafi i burgut.<br /> <br />Më tej njoftimi i Ministrisë së Drejtësisë thekson se rreth orës 23:30, zyrtarët të institucionit të paraburgimit vunë në dukje se Ilir Kareli u zhvendos dhe qëndroi për orë të tëra në shtrat.<br /> <br />Pastaj hyri në qeli dhe ka pasur mungesë të vetëdijes. Kontaktoi me ambulancën, e cila erdhi për 17 minuta dhe u transportua në spital, ku edhe vdiq.<br /> <br />Paraprakisht, thyerjet e shumta të kafazit të kraharorit dhe hematomat e shumta në trup ishin evidente për ekspertët mjeko-ligjorë, ndërsa pritet zyrtarisht të përcaktohet shkaku i vdekjes.<br /><br />Ndërkaq, zyrtari i lartë i burgjeve greke, Dimitris Nikolinakos tha se shqiptarët po shkaktojnë trazira në burgun e Malandrinos, ku vdiq Kareli, në atë të Trikalësë, ku u arratisën 11 shqiptarë si dhe në Patra e Domokos.<br /><br />ORA 18:30, SHEFI I BURGUT: KARELI KISHTE SHENJA GODITJEJE<br />Shefi i Rojeve të burgut Nigratas, Harris Konsolidis ka sqaruar se shqiptari, Ilir Kareli kishte refuzuar ushqimin ndërsa ishte në monitorim gjatë kohës që u transferua në burg.<br /><br />Gjithashtu, Harris Konsolidis ka thënë se viktima kur u transferua në burgun Nigratas kishte shenja goditjeje në trup dhe refuzoi mjekimin. Ai nuk ka pasur kontakt me asnjë të burgosur të tjerë dhe ka bërtitur "Më sillini një litar". <br /><br />Ditën e martë (25 mars) Ilir Kareli vrau me thikë gardianin e burgut të Malandrinos në Greqi. I burgosuri shqiptar, në rrëfimin e tij në lidhje me ngjarjen, ka pohuar se vrau gardianin pasi nuk i jepej leje për të takuar nënën.
