VLORE - Ministri i Transportit, Edmond Haxhinasto, zhvilloi sot, një inspektim në portin e Vlorës ku ndoqi nga afër marrjen e masave për sezonin e ri turistik, duke e vënë theksin tek rëndësia e këtij porti për hyrjen e turistëve.<br /><br />Si çështje me rëndësi, Ministri Haxhinasto përmendi sigurinë dhe cilësinë e shërbimeve që ofohen në port dhe perspektivat e zhvillimit të tij të mëtejshëm.<br /><br />"Porti i Vlorës është një port i rëndësishëm i Shqipërisë me potenciale të mëdha akoma të pa shfrytëzuara. Është shumë e rëndësishme që të arrihen disa objektiva që cilësia e shërbimeve në këtë port të rritet, që ti ofrojmë edhe udhëtarëve edhe biznesit një siguri dhe një cilësi më të lartë në shërbimet që ofron" u shpreh Haxhinasto.<br /><br />Ai vijoi duke thënë se qeveria ka programin e investimeve për këtë qëllim, ku veçoi fillimin së shpejti të një projekti të ri 15 milion Euro, i mbështetur nga Koperacioni Italian, investimi i cili pritet te përmërësojë ndjeshëm infrastrukturën e këtij porti.<br /><br />Ndër të tjera ministri Haxhinasto theksoi se duhet të rritet konkurueshmëria që portet Shqiptare të jenë sa më konkurues në Adriatik dhe në Mesdhe.<br /><br />"Kemi programuar investimet tona dhe jam i sigurt që shfrytëzimi i potencialeve që kanë portet tona do të realizohet në vitet e ardhshme" tha Haxhinasto në përfundim të inspektimit në portin e Vlorës. <br /><br />Më pas, ministri zhvilloi një takim me përfaqësues të biznesit të Vlorës ku ndër të tjerash u fol për domosdoshmërinë e partneritetit qeveri-biznes për projekte zhvillimore dhe për angazhimin konkret të komunitetit të biznesit për realizimin e veprave publike.
