TIRANE - Djegia e flamurit grek shfaqi simbolikisht revoltën ndaj vrasjes së të dënuarit shqiptar në një nga burgjet e Greqisë.<br /><br />Të rinj të Lëvizjes "Reago" kanë protestuar para ambasadës greke në rrugën "Naim Frashëri" dhe kanë djegur flamurin e vendit fqinj, duke kërkuar njëherësh zbardhjen e vrasjes së Ilia Karelit.<br /><br />Ata i kanë kërkuar Ministrisë së Jashtme të vendit tonë t'i kërkojë llogari Athinës zyrtare për këtë krim, të cilin e kanë vlerësuar si një akt terrorist.<br /><br />Forca të policisë kanë mbikqyrur protestën e cila është zhvilluar pa incidente.<br />42 vjeçari shqiptar Ilia Kareli humbi jetën në burgun grek të Nigritas, pasi vrau me thikë një gardian në burgune e Malandrinos, ku vuante dënimin.<br /><br />Nga hetimet paraprake ka rezultuar se shkak i vdekjes kanë qenë torturat dhe dhuna e ushtruar ndaj tij prej gardianëve të burgut.<br /><br />Kareli ishte dënuar me burgim të përjetshëm në Greqi për grabitje me pasojë vdekjen, ndërsa më 25 mars ai vrau një guardian të burgut me thikë pasi nuk e linin të takohej me të ëmën e tij.<br /><br />Aktualisht për torturat e ushtruara ndaj Karelit kanë nisur hetimet, janë arrestuar dhe disa prej rojeve të burgut, por ende nuk ka përfunduar e plotë ekspertiza mjekoligjore.
