HKODËR- Shkodra ka përkujtuar 2 prillin e vitit 1991, demostraten antikomuniste të 23 viteve më parë ku mbetën të vrarë 4 dëshmorët e demokracisë Arben Broci, Bujar Bishanaku, Nazmi Kryeziu dhe Besnik Ceka.<br /> <br />Homazhet u zhvilluan në sheshin me të njëjtin emer ku ndodhet lapidari i ngritur në nderim të tyre, ku edhe u vendosen kurora me lule.<br /> <br />Pjesëmarrës në këtë ceremoni ishin drejtues të së djathtës, mes tyre kreu i Partisë Demokratike Lulzim Basha.<br /> <br />E pranishme edhe ish-kryetarja e parlamentit, Jozefina Topalli eskponete e lartë e Partise Demokratike, ndërsa ajo që ra në sy është fakti se lideri i PD-së, duket se nuk ka shpenzuar as edhe një second kohë për ta përshëndetur, madje siç duket edhe në këto pamje, Basha nuk i ka hedhur as sytë. <br /><br />Nga ana tjetër, Jozefina Topalli ka lëshuar akuza të ashpra në drejtim të kryeministrit Rama dhe kreut të Kuvendit Meta lidhur me shitblerjen e votave. <br /><br />"Çdo ditë në Tiranë Kushtetuta zëvendësohet me urdhërat e oligarkut. Oligarët mendojnë vetëm të pasurohen, të bëjnë para, të blejnë përsëri vota, të rrinë përsëri në pushtet, përsëri të pasurohen për të blerë përsëri vota", tha Jozefina.<br /><br />Aktivitieti më pas është vendosur në teatrin 'Migjeni' në Shkodër, ku kreu i PD-së theksoi se mesazhi i kësaj ngjarjeje vazhdon edhe në këto ditë.<br /><br />"Ky mesazh në thelbin e vet pozitivist dhe frymëzues, mbetet aktual sot e kësaj dite. Ne do të kujtojmë e nderojmë me mirënjohje dhe me respekt të veçantë 4 dëshmorët e 2 prillit", u shpreh kreu i PD-së, Basha.<br /> <br />Ndërkohë marrëdhënia e ftohtë mes kreut të PD-së dhe deputetes që udhëheq listën e PD-së në qarkun e Shkodrës nuk kaloi pa rënë në syrin e të pranishmëvetë shumtë dhe të medias.
