PRISHTINE - Mëngjesin e sotëm janë arrestuar 10 zyrtarë komunalë të Prishtinës. Në mesin e tyre ndodhet shefi i sektorit të ndërtimit, një zyrtar për ekzekutim, dhe 8 inspektorë për ndërtim, si dhe pronarin e një kompanie private të ndërtimit.<br /> <br />Lajmi është konfirmuar zyrtarisht edhe nga Prokuroria Speciale e Kosovës, sipas të cilës me urdhër të prokurorit vendor Policia e Kosovës ka arrestuar 10 zyrtarë nga Sektori i ndërtimit i Drejtorisë së Inspektoratit të Komunës së Prishtinës.<br /><br />Sipas portalit "Koha.net", zyrtarët e Komunës së Prishtinës të arrestuar sot paradite nga Policia e Kosovës janë:<br /><br />- Ismet (Kadri) Haliti<br />- Skender (Jahir) Canolli<br />- Vehbi (Rrahman) Abdullahu<br />- Drita (Hamit) Rukiqi<br />- Blerim (Jakup) Syla<br />- Blerim (Hysen) Ibishi<br />- Ardian (Humdi) Muhadri<br />- Arbenita (Hysen) Ajeti<br />- Mergim (Nexhip) Shala<br />- Granit (Ali) Cenaj<br />- Qemajl (Adem) Pozhegu (pronar i kompanisë ndërtimore "POZHEGU")<br /> <br />Për dhjetë zyrtarët e arrestuar nga Komuna e Prishtinës, ekziston dyshimi i arsyeshëm se kanë kryer veprën penale, "pjesëmarrja ose organizimi i grupit kriminal", "keqpërdorimi i pozitës zyrtare apo autoritetit zyrtar".<br /> <br />Ndërkaq, për Pozhegun, ekziston dyshimi i arsyeshëm se ka kryer veprën penale "falsifikim i dokumenteve". Prokurori i rastit, për të pandehurit, ka urdhëruar ndalimin policor në kohëzgjatje prej 48 orësh.<br /> <br />Arrestimi i sotëm është rezultat i hetimit paraprak, që është zhvilluar nga shtatori i vitit 2013, lidhur me ndërtimin e objekteve pa leje ndërtimore, në Komunën e Prishtinës. Gjatë kësaj kohe janë siguruar prova të rëndësishme për dyshimin e bazuar se personat e arrestuar kanë kryer veprat penale të përmendura më lart.
