MALLAKASTER- Qendra shëndetësore në Mallakastër le për të dëshiruar. Godina është shkatërruar dhe thuajse ka dalë jashtë funksionit. Situata e kësaj godine ku duhet të marrin shërbim mjekësor rreth 50 mijë banorë të rrethit të Mallakastrës, ndodhet në gjendje të mjeruar.<br /> <br />Lagështira ka zaptuar të gjithë sipërfaqen e godinës si brenda, ashtu edhe jashtë saj.<br /> <br />Ndërkohë, suvaja është e dëmtuar thuajse tërësisht, dyert e dritaret nuk e luajnë më funksionin e tyre, për të mos komentuar cilësinë dhe shërbimin që ofrohet në këtë qendër shëndetësore.<br /> <br />Drejtori Rajonal i Shëndetit në këtë rreth, Kastriot Ahmetaj thotë se kjo situatë ka ardhur për shkak të neglizhencës së organeve shtetërore, pasi që në vitin 2001 godina nuk është restauruar.<br /> <br />Ndërkaq, ai ngre edhe problemin e mungesës së mjekëve specialistë.<br /> <br />Drejtori Ahmetaj bën apel për ndërhyrje, pasi qytetarët detyrohen të udhëtojnë në rrethe të tjera për të marrë një shërbim të thjeshtë mjekësor, ç'ka u kushton atyre kosto më të lartë.
