TIRANE - Në kulmin e akuzave ndaj drejtësisë për trajtimin e çështjeve për akuzat e rënda penale ndaj Gjin Nikës, 37-vjeçarit të ekzekutuar në Tapizë, ka reaguar Gjykata e Lartë duke deklaruar se rekursi i Prokurorisë është pranuar dhe çështja ishte në pritje të lirimit. <br /><br />Sipas njoftimit të zëdhënëses së gjykatës së Lartë, "në ngarkim të Gjini Nikës, Kërkesa për Vleftësimin Arrestimi dhe Caktim Masë Sigurie; Kolegji Penal i Gjykatës së Lartë ka vendosur në Dhomë Këshillimi, pranimin e rekursit të Prokurorisë dhe çështja ishte në pritje për gjykim".<br /><br />Gjin Nika, u lirua nga Gjykata e Apelit në 25 shkurt, gati një muaj pas arrestimit të tij nga policia e Tiranës, edhe pse kishte një akuzë konkrete ndaj tij për plagosjen e Gentian Kaçit, në vitin 2013 dhe i dyshuar për vrasjen e Shefqet Shehut në vitin 2013 në Bulqizë, për vrasjen e Hasan Taljas në Tiranë në janar të vitit 2014, ndërsa emri i tij përmendej në përgjimet e Prokuorisë së Krimeve të Rënda për lidhje me grupin e rekrutimit të besimtarëve muslimanë për të luftuar në Siri.<br /><br />Gjin Nika u ekzekutua në mesnatë duke u gdhirë e premtja dhe bashkë me të u vra dhe Fabio Xhunga nga Kamza, me të cilin ishte në motor.<br /><br /><br /><br />Gjykata e Lartë ka reaguar edhe për denoncimin e një tjetër vendimi të dyshimtë të gjykatave të Apelit, në lirimin e personave me precedentë dhe akuza të rënda penale. <br /><br />Kolegji Penal në vendimin e të enjtes ka konfirmuar dyshimet për vendimin e kundraligjshëm të Gjykatës së Apelit Vlorë, në lirimin e të kërkuarit ndërkombëtar për trafik Droge Vangjel Zijaj me emrin e vërtetë Arben Gropa. <br /><br />"Për çështjen në emër të shtetasit Arben Gropa, për Kërkesë për Vleftësimin Arrestimi dhe Caktim Masë Sigurie, Kolegji Penal i Gjykatës së Lartë ka vendosur pranimin për shqyrtim të rekursit të Prokurorisë dhe çështja do të gjykohet në ditët në vijim".<br /><br />Të enjten ka dalë vendimi i Kolegjit të Gjykatës së Lartë për të rrëzuar vendimin e pushimit të çështjes penale për ish-kryetarin e Agjesise së Kthimit të Pronave, Besnik Maho dhe e ka kthyer çështjen për rigjykim në Gjykatën e Rrethit Gjyqësor Vlorë. Maho u akuzua për abuzim me detyrës gjatë kohës që ishte kreu i AKP-së.
