KIEV - Ukraina ka refuzuar veprimin e Rusisë për dyfishimin e çmimit të gazit rus ndërsa ka kërcënuar se mund të marrë masa ligjore ndaj këtij veprimi, njofton BBC.<br /> <br />Kryeministri i përkohshëm i Ukrainës , Arseni Yatsenuk , tha se rritja e çmimit nga ana e Moskës është një formë e "agresionit ekonomik".<br /> <br />"Rusia nuk ishte në gjendje për të pushtuar Ukrainën me anë të agresionit ushtarak. Tani ata janë duke zbatuar plane për të mbërthyer Ukrainën përmes agresionit ekonomik " u shpreh Yatsenyuk<br /> <br />Ndërsa Ministri ukrainas i Energjisë, Yuriy Prodan tha se do të përpiqet të negociojë çmimin, por paralajmëroi se nëse nuk arrihet një marrëveshje atëherë do të ndërpritet furnizimi me gazin rus.<br /> <br />Ndërkohë Moska ka argumentuar se ndryshimi i çmimit vjen për shkak të dështimit të Kievit për të paguar faturat e saj që kapin shifrën e 1.7 miliardë dollarë.<br /> <br />Kompania e kontrolluar nga shteti rus "Gazprom" ka rritur koston e gazit për Ukrainën me 81% duke e çuar çmimin e rreth 485 dollarëve për 1000 metra kub nga rreth 268 dollarë që ishte më parë.<br /> <br />Rritja e çmimit të gazit vjen në një kohë kur marrëdhëniet mes Kievit dhe Moskës janë të tensionuara për shkak të aneksimit të Krimesë nga Rusia.
