TIRANË- Sot në Ditën Ndërkombëtare të Romëve, në Tiranë dhe në Fier, burra, gra e fëmijë që jetojnë baraka kanë protestuar ndërsa në qytetin e Beratit janë organizuar aktivitete për promovimin e identitetit dhe të trashëgimisë së këtij komuniteti.<br /><br />Në këtë ditë, komuniteti rom shprehet se ata janë të braktisur dhe të mashtruar nga shteti dhe se jetojnë në kushte minimale të jetës. <br /><br />Ata kanë kërkuar nga shteti të strehohen, të arsimohet dhe të punësohet si gjithë pjesa tjetër e shoqërisë. <br /><br />Protestë në Tiranë.<br /><br />Rreth 100 familje rome burra, gra e fëmijë që jetojnë baraka në zonën e Selitës protestuan para Bashkisë së Tiranës, duke kërkuar strehim. Protesta u zhvillua në Ditën Ndërkombëtare të Romëve<br /><br />Rreth 100 familje rome të zonës së Selitës kanë protestuar sot para Bashkisë së Tiranë, duke kërkuar nga instutcioni vendor një strehë për të futur kokën.<br /><br />Në Ditën Ndërkombëtare të romëve, ky komunitet shprehet se ndjehet i braktisur dhe i mashtruar nga shteti.<br /><br />Romët kanë demostruar gjendjen e vështirë ekonomike e sociale ku jetojnë përmes fotove të shfaqura në sheshin para bashkisë. Protesta zgjati rreth një orë, dhe shkoi e qetë por asnjë nga përfaqësuesit e bashkisë nuk ka reaguar nga zërit të romëve para dyerve të këtij institucioni. <br />Sot një sërë aktivitetesh janë zhvilluar me përfaqësues të këtij komuniteti nga kreu i Kuvendit, Meta, ministrja e Arsimit, Nikolla dhe ai Mirëqenies Sociale Veliaj.<br /><br /><br /> Protesë në Fier .<br />Dita Ndërkombëtare e komunitetit rom në Fier është pritur me protesta në rrugët e qytetit. Me parulla në duar, dhjetëra banorë të këtij komuniteti kanë kërkuar më shumë vëmendje nga organet shtetërore.<br /> <br />Ata kanë kërkuar të mos ndihen të diskriminuar, të ndërmerren hapa konkret për strehim, apo legalizimin e tyre në banesa, të punësohen, arsimohen etj.<br /><br />Ndërsa në qytetin e beratit janë organizuar aktivitete për promovimin e identitetit dhe të trashgimis kulturore të romëve. <br /><br />Në mes të mbetjeve urbane, në godina të improvizuara dhe pa kushtet më minimale jetojnë familjet e komunitetit rom në periferi të rrethit të Fierit.<br /><br />Siç duket edhe nga pamjet, kushtet në të cilat ata jetojnë janë thuajse mesjetare, pa ujë, drita po tualete dhe në mes të grumbujve me mbeturina.<br /><br />Bëhet fjalë për zonën e Mbrostarit, Levanit, komunës Qendër etj. Banorët ankohen se jetojnë në kushte ekstremist të varfra, pa asnjë mbështetje nga pushteti vendor.<br /><br />Ndërsa prefekti i qarkut të Fierit, Xhevit Bushi thotë se për këtë komunitet janë marrë masa disa herë.<br /><br />"Janë marrë një sërë masash në drejtim edhe të ditës së pastrimit dhe të vazhdimësisë së ngritjes në një nivel më të lartë të pastrimit të zonave", thotë ai prefekti. <br /><br /> Mes ndotjeve dhe mungesës së kushteve më minimale jetojnë prej vitesh qindra familje të komunitetit rom, ndërsa kërkojnë më shumë mbështetje nga pushteti vendor.<br /><br /><br />Në Berat shoqata "Gruaja Rome e së nesërmes" dhe "Romët e Bashkuar" kanë zhvilluar në fshatin Moravë, aktivitete promovuese të identitetit rom përmes kulturës dhe tra...
