SHKODER- Deri më 1 Janar 2015, të gjitha bizneset duhet të paguajnë të plota kontributet e punonjësve që kanë të punësuar, në rast të kundërt do të merren masa ndëshkuese ndaj tyre. Ka qenë kjo deklarata e ministrit të Mirëqenies Sociale dhe Rinisë Erion Veliaj gjatë një vizite të zhvilluar në një prej bizneseve fason në qytetin e Shkodrës, pasi sipas tij qeveria synon stabilizimin e skemës së pensioneve.<br /> <br />Nga Shkodra ministri Veliaj ka hedhur poshtë çdo aludim se qeveria Rama po investon më shumë në jug sesa në veri ndërsa ka paralajmëruar se më datë 16 Prill qeveria e Shqipërisë dhe ajo e Kosovës do të zhvillojnë një mbledhje të përbashkët në Kukës.<br /> <br />Ministri Veliaj ka prezantuar edhe paketën e re për biznesin fason që do shpallet brenda muajit Prill.<br /> <br />Ministri Veliaj gjatë vizitës së tij është njohur nga afër me punën që bëhet në këtë biznes fason.
