Përfundon me 26 të shoqëruar në polici, protesta e paralajmëruar në rrjetet sociale për vrasjen në burgjet greke të të dënuarit shqiptar Ilia Kareli me emrin e vërtetë Kudret Kume.<br />Protesta nisi në Bulevardin Dëshmorët e Kombit për të vijuar para Ambasadës Greke, ndërsa tubuesit tejet të irrituar digjnin flamuj grekë dhe hidhnin parrulla nacionaliste dhe fyerje drejt përfaqësisë diplomatike greke.<br />Policia ndërhyri, për të shpërndarë protestuesit duke përdorur edhe shkopinjtë e gomës kundër rezistencës së tyre. <br />Aleanca Kuqe e Zi dhe Tifozët Kuq e Zi, të cilët deklaruan përfshirjen e tyre në prostestë, reaguan duke u shprehur se në përplasjet me policinë ishin lënduar 6 persona, sipas tyre Jonard Agolli, Augent Xhaferaj, Albert Beshiti , Erald Sefa, Anila Nishani dhe Nuri Kola.<br />Ndërsa burimet e tyre, nxorën emrat e kreut të rinisë së Aleancës Kuq e Zi, Ardit Mekshiqi dhe nënkryetari I saj, Albert Mesiti.<br />Ndërsa burimet e A1Report pranë policisë kanë zbardhur 10 emra nga 26 të shoqëruarit në Komisariatet numër 3, 2 dhe në Drejtorinë e Policisë së Qarkut që mësohet të jenë Selami Fevizu, Mariglen Duraj, Frances Manaj, Emiljano Vasha, Klodian Lacaj, Enja Sadikaj, Indrit Sullaj, Leonard Suli, Selim Malaj dhe Indrit Demiraj
