Partia Demokratike lançon zgjedhjet e reja brenda PD-së, si dhe analizën për të zbuluar shkaqet e humbjes së zgjedhjeve parlamentare të qershorit 2013.<br />Përmes një dalje publike nga selia PD-së, Basha njoftoi pasditen e sotme mbylljen e procesit të regjistrimeve dhe hapjen e zgjedhjeve në nivel seksionesh, grupseksisonesh dhe degësh.<br />Gjithashtu do të bëhet një analizë për të përcaktuar për të vënë gishtin me drejtësi dhe objektivitet mbi shkaqet reale të rezultateve në zgjedhjet e shkuara.<br />"Le të nisim analizën. Le të vëmë gishtin me drejtësi dhe objektivitet mbi shkaqet reale të rezultateve në zgjedhjet e shkuara. Le të diskutojmë e debatojmë në mënyrë të qytetëruar. Le të reflektojmë e nxjerrim mësimet e duhura në funksion të ringritjes", tha Basha<br />Sa i takon zgjedhjeve brenda PD-së, Basha tha se është lëshuar një udhëzim të posaçëm i cili do u bëhet i njohur të gjithë anëtarëve të Partisë Demokratike dhe bashkë me statutin e partisë do të jenë dy dokumentet themelore që do të garantojnë mbarëvajtjen e analizave dhe zgjedhjeve në PD.<br />"Udhëzimi që kam lëshuar garanton garë, solidaritet, vlerësim të kontributeve dhe rezultateve, hapje dhe përtëritje, qarkullim të drejtimit dhe elitave në përputhje me filozofinë e partive popullore ku bëjmë pjesë."
