Që në spitale mungojnë ilaçet kjo është pranuar gjithnjë edhe nga vetë drejtues të Ministrisë së Shëndetësisë e QSUT-së.<br /><br />Por pak ditë më pare, kjo Ministri deklaroi se në fund të muajit maj do të përfundonte prokurimi për furnizimin me ilaçe të spitaleve duke i dhënë zgjidhje këtij problemi.<br /><br />Por qytetarë që kanë të afërmit e tyre në Spitalin Onkologjik kanë denoncuar në emisionin Alarm në Ora News se janë të detyruar t'i blejnë të gjitha ilaçet dhe e kanë të pamundur ta përballojnë koston e tyre.<br /><br />Etleva Memia, ka ardhur nga Pogradeci, ka prindin sëmurë, por nuk gjen asnjë ilaç në spital dhe detyrohet t'i blejë në farmaci.<br /><br />Veni Disha ka gruan sëmurë, merr çdo 20 ditë dy flakonë me ilaçin që kushton rreth 1 200 euro<br /><br />Spiro Zylali, ka motrën sëmurë, i duhet ta blejë ilaçin që kushton 35 mijë lekë.<br /><br />Ndërkaq në farmacinë e Onkologjikut, përgjigja që jepet është se mungojnë të gjitha, ndaj zgjidhja e vetme është t'i gjesh në farmacitë private.<br /><br />Ky është realiteti në një ndër spitalet ku trajtohen pacientë me sëmundje të rënda dhe që flet qartë e hedh poshtë të gjitha deklaratat që mbeten mediatike për furnizimim të spitalave me ilaçe apo mjekësi falas.
