TIRANË - Komisioni i Sigurisë rrëzon me votat e mazhorancës dhe pa praninë e opozitës, dy kërkesat e kësaj të fundit për të thirrur në seancë dëgjimore Ministren e Mbrojtjes Mimi Kodheli. Kërkesa e tyre e parë ishte për riatdhesimin e kundëradmiralit, Kristaq Gërveni dhe e dyta për raportimin në lidhje me akuzat se strukturat e Forcave të Armatosura janë përfshirë në trafikun e drogës.<br /><br />Kryetari i Komisionit, Spartak Braho ka sqaruar se është e panevojshme të diskutohet për riatdhesimin e Gërvenit, kur cështja është dekretuar nga Presidenti.<br /><br />Ndërsa sa i përket raportimit të Kodhelit për ushtrinë, Braho tha se i ka dërguar një letër kryeprokurorit Llalla për të mësuar nëse ka nisur hetimet dhe nuk më ka kthyer përgjigje.<br /><br />Në datën 22 prill u vendos të raportojë kreu i Shërbimit Informativ Shtetëror, Visho Ajazi Lika në lidhje me përgjimet e zyrtarëve të lartë, emërimet në institucionin që drejtohet prej tij dhe cështjet e sigurisë. Po në këtë ditë do të diskutohet për ngritjen e grupit i cili do të kryente kontroll në SHISH.<br /><br />TAHIRI: MORATORIUMI S'KA DHENE EFEKTE, MJETET LUNDRUESE ME GPS<br />"Moratoriumi në det nuk ka dhënë efekte", ka thënë ministri i Brendshëm, Sajmir Tahiri duke prezantuar projektligjin për mjetet lundruese në Komisionin e Ligjeve në Kuvend.<br /><br />Sipas tij, çdo mjet lundrues do të regjistrohet dhe do të pajiset me GPS për të ditur vendodhjen në çdo moment.<br /><br />"Ky projektligj çliron detin dhe mjetet lundruese do të pajisen me GPS. Ndërkaq, për ato mjete lundruese që nuk do të pajisen dhe nuk do të regjistrohen ketë gjoba", deklaroi Tahiri.<br /><br />Sipas ministrit të Brendshëm, "sekuestrimin e mjetit e bën oficeri i policisë dhe më pas konfiskimin e përfundon Gjykata". Tahiri theksoi në fjalën e tij se, i ka "propozuar homologëve për ngritjen e trekëndëshit të sigurisë në det mes Shqipërisë, Italisë e Greqisë."<br /><br />"Duam të forcojmë sanksionet dhe parandalojmë trafiqet e drogës. Rruga detare nuk është ajo kryesorja për trafikun e lëndëve narkotike", ka deklaruar ministri Sajmir Tahiri në Komisionin e Sigurisë në Kuvend.
