TIRANË -- Këshilli i Lartë i Drejtësisë i drejtuar sot nga Presidenti Bujar Nishani ka shkarkuar nga detyra, gjyqtarin e Shkodrës, Albano Çepele dhe ka marrë masa ndëshkimore për katër gjyqtarë të tjerë, emrat e të cilëve i janë dërguar nga Ministria e Drejtësisë.<br /> <br />Kështu, përveç shkarkimit të Çepeles, KLD-ja ka vendosur transferimin nga Gjykata e Rrethit Tiranë në një gjykatë të nivelit më të ulët, për një periudhë dyvjeçare, gjyqtaren Elona Gjoka. Po ashtu, KLD-ja i ka dhënë vërejtje me paralajmërim për pushim nga detyra për tre gjyqtarët e tjerë: Enkelejda Hoxha, Nazmije Pengili, Ëngjëllushe Tahiri, të tria në Gjykatën e Rrethit Krujë.<br /><br />Për tre gjyqtaret e Krujës, Ministria e Drejtësisë e ndryshoi propozimin fillestar nga "Shkarkim nga detyra" me "Vërejtje me paralajmërim."<br /><br />KLD-së i është kërkuar nga Ministria e Drejtësisë të marrë masa ndaj pesë gjyqtarëve, të cilët rezultuan me shkelje në detyrën e tyre pas kontrollit që ndërmori Inspektoriati i KLD-së. Në adresë të këtyre gjyqtarëve ka pasur një mori ankesash që konsistonin në zvarritje të pajustifikueshme të proceseve gjyqësore, shkelje haptzai të ligjit procedurial dhe moszbatim të vendimeve unifikuese.<br /><br />Në hapje të mbledhjes, e cila u zhvillua me dyer të mbyllura dhe në kushtet e mungesës së plotë të transparencës, Presidenti i Republikës z. Bujar Nishani ka deklaruar se "KLD-ja nuk do të hezitojë asnjëherë, që ato gjyqtarë, të cilët do të guxojnë të shkelin dhe mosrespektojnë ligjin, të përballen me masa tepër të ashpra" <br />Kjo mbledhje ishte parashikuar më 11 prill, por Këshilli i Lartë i Drejtësisë e ka shtyrë për sot marrjen e masave disiplinore për 5 gjyqtarët, të propozuara nga Ministria e Drejtësisë. KLD e argumentoi shtyrjen me numrin e madh të çështjeve për diskutim në rendin e ditës dhe me rëndësinë që ka diskutimi i procedimeve disiplinore ndaj gjyqtarëve.
