FIER -- Përplasja e tre automjeteve në aksin Fier-Tepelenë ka rezultuar fatale për tre persona të cilët kanë gjetur vdekjen e menjëhershme, ndërsa 5 të tjerë kanë mbetur të plagosur.<br /> <br />Aksidenti tragjik është shënuar në vendin e quajtur Kafaraj. Një automjet tip Renault me targa AA 955 DX është përplasur me një kamion me targa TR 06 99 F, i cili qëndronte i parkuar në anë të rrugës, ndërsa makina tjetër e përfshirë në aksident është një Benz.<br /> <br />Trupat e dy prej viktimave që ndodheshin në automjetin tip Renault, janë nxjerrë me vështirësi nga makina, për shkak se ishte shkatërruar thuajse plotësisht nga përplasja me kamionin.<br /> <br />Sipas informacioneve paraprake, mendohet që viktima e tretë të jetë drejtuesi i kamionit, i cili e kishte lënë automjetin në anë të rrugës për të mbushur ujë në një kanal vaditës. Trupi i pajetë është gjetur në kanal, dhe mendohet që shoferi i kamionit të jetë goditur nga makina ndërsa ka qenë anës kanalit.<br /> <br />Dyshohet që në automjetin tin Benz të 5 personat e plagosur ti përkasin të njëjtës familje.<br /> <br />Paraprakisht dyshohet që shkak i aksidentit të ketë qenë lagështira në rrugë. Në vendngjarje kanë mbërritur forcat e policisë për të zbardhur shkaqet reale të aksidentit fatal me 3 viktima dhe 5 të plagosur.
