Me një ceremoni të kuruar deri në detaje vizuale, Shqipëria dhe Kosova janë bashkuar edhe njëherë në Kukës.<br />Emocione e jo në pak raste edhe lotë, kanë sjellë në një kohë tjetër pas 15 vitesh dhimbjen e madhe shqiptare matanë kufirit dhe solidaritetin e pashoq këtej kufirit të eksodit të vitit '99.<br /><br />Në konferencën "Nga Eksodi tek partneriteti Strategjik", pjesë e aktiviteteve për këtë ditë, Rama shprehu mirënjohje për ish kryeministrin Pandeli Majko, por edhe për paraardhësin e tij, Sali Berishën për rolin që ka luajtur për pavarësinë e Kosovës.<br /><br />"Për çështje politike do ishim konfliktuar edhe në çfarë muaji jemi"-tha Rama duke shtuar se fatmirësisht për çëshje madhore bashkohemi.<br /><br />Pavarësia e Kosovës, Rama mirënjohje Berishës, e Majkos<br />"Shpreh mirënjohje dhe për Sali Berishën e PD, kur ishte në qeverisje, si pjesë e përbashkët shqiptare për pavarësinë e Kosovës dhe për të arritur në këto ditë. Nëse e kthejmë në çështje politike ne ngatërrohemi edhe sa është ora , apo është mars a prill por fatmirësisht nuk ndahemi tek cështja e madhe që deri dje mbante emrin çështja e Kosovës por sot natyrshëm ka emrin çështja e shqiptarëve."<br /><br />"Falë lidershipit të Pandeli Majkos, u bë e mundur që një vend i vogël të dukej çuditshëm i madh në sytë e të tjerëve." tha Rama . Të dy kryeministrat, si Edi Rama dhe Hashim Thaçi shprehën falenderimet për SHBA-në, BE-në dhe NATO-n për rolin në pavarësinë e Kosovës .<br /><br />"Sot kombi shqiptar është jo vetëm më i bashkuar, por edhe më i sigurtë", u shpreh kryeministri Thaçi.<br /><br />Rama: Jo më koha e teatrit nacionalist por e bashkimit të shqiptarëve në BE<br /><br />"Kjo kohë e re nuk është e teatrit nacionalist as e skeceve, por koha e një pune intensive në të gjitha planet. Që ka filluar dhe po ndërton hap pas hapi urat e bashkimit të shqiptarëve të gjeneratës tjetër me një sistem të njësuar arsimor." tha Rama.<br /><br />Në foltoren ceremoniale kanë parakaluar pothuajse gjithë Ministrat deri edhe tek ish-prefektë e bashkiakë të periudhës së ekspodit, por mungoi përjetimi i Kryeministrit simbol të luftës Pandeli Majko, që gjithsesi mori më shumë se askush mirënjohjen brohoritëse të sallës.<br /><br />Opozita nuk ishte e pranishme në ceremoni<br />Opozita e Shqipërisë nuk u bë pjesë e festimit të kësaj drame shqiptare, ndonëse nga qeveria u tha se ka pasur ftesë për të gjithë deputetët e majtë e të djathtë. Për shkak të angazhimeve në Tiranë edhe kryetari i Kuvendit, Ilir Meta, nuk ishte në ceremonitë e zhvilluara në kryeqytetin e bashkimit të shqiptarëve.<br /><br />Bushati: Mirenjohje SHBA-NATO-BE<br /><br />"Është dita për të kujtuar eksodin më të madh të shqiptarëve në Kukës dhe për të shprehur mirënjohjen ndaj SHBA-NATO-BE që ndalën spastrimin etnik." U shpreh ministri i Jashtëm i Shqipërisë Ditmir Bushati në Pallatin e Kulturës ku po mbahet konferenca "Nga eksodi tek partneriteti strategjik".<br /><br />Dokumentari përlot ministren Çitaku<br />Pas ceremonisë zyrtare të pritjes në Pallatin e Kulturës nisi konferenca "Nga eksodi te partneriteti strategjik", e cila u hap me shfaqjen e një mini-d...
