TIRANE -- Denoncimet e Partisë Demokratike për emërime të personave me precedentë në poste zyrtare, këtë radhë janë përqendruar në qytetin e Korçës, duke marrë shka dhe nga vetëvrasja e një 52-vjeçareje e cila u bë shka për sulme poltike mes palëve për shkaqet që e çuan drejt vetëflijimit. <br />Zëdhënësja e Partisë Demokratike Laura Vorpsi solli tre emërime në institucione që sipas saj janë persona me precedentë penalë.<br />"Drejtor i Metrologjisë është emëruar Muharrem Meko, ish-kryetar i PS-së në Korcë, i dënuar nga Gjykata për veprën penale të pengimit të vendimit gjyqësor.<br />Në krye të kualifikimit profesional, është emëruar Anxhela Taho, kryetarja e FRESH-it, e cila është e përfshirë në hetimet e prokurorisë si organizatorja e blerjes së votave për zgjedhjet lokale në Korçë, e kapur në flagrancë me zë e me figurë.<br />Drejtor i Shërbimit Pyjor në Korçë, është emëruar Arsen Selimi, ndaj të cilit një gjykatë në Amerikë ka vendosur t'i refuzojë qëndrimin atje dhe ta kthejë në Shqipëri me akuzën e dhunës në familje dhe të mashtrimit", tha Vorpsi.<br />Përmes kësaj deklarate ajo kërkoi përgjigje nga kryeministri Rama se në cilin nen të kodit të etikës ka zbatuar në këto tre emërime.<br />Të menjëhershme kanë qenë reagimet e tre drejtuesve të institucioneve në Korçë të denoncuar nga Partia Demokratike si persona me precedent penalë. <br /><br />Drejtori i Metrologjisë, Muharrem Meko tha se nuk ka bërë asnjë vit burg dhe se në vitin '97 Berisha e izoloi një muaj në cilësinë e gazetarit.<br /><br />Ai u akuzua nga zëdhënësja e demorkatëve Laura Vorpsi se është dënuar nga Gjykata për veprën penale të pengimit të vendimit gjyqësor.<br /><br />Reagimi i radhës erdhi nga drejtoresha e Kualifikimit Profesional në Korçë, Anxhela Taho, e cila hodhi poshtë akuazat se është organizatorja e blerjes së votive në Korcë. Taho tha se sulmet e opozitës janë shpifje dhe të verifikueshme nga organet e drejtësisë.
