Ike Pashja rreth të 70-ve, ka udhëtuar që herët nga Peqini drejt Tiranës për takuar djalin e saj Gertin, i cili ndodhet në burgun 313, i akuzuar si pritësi i shqiptarëve në Turqi, të cilët më pas i kalonte në Siri.<br /><br />Ikja ka dalë pas takimit në gjendje jo të mirë emocionale, e cila frekuentonte edhe gjendjen e të birit, pas hekurave të burgut.<br /><br />Ajo është shprehur për Ora News se 30 vjeçari kërkon të pyetet për akuzat e ngritura ndaj tij, pasi në gjykatë nuk iu lejua të japë sqarime.<br /><br />Ajo ka sqaruar se Gerti vazhdonte shkollën në Turqi. Sipas saj 30 vjeçari nuk ka qënë asnjëherë në Siri dhe nuk ka mashtruar njeri, për ta dërguar në luftë.<br /><br />Ndër të tjera Ike Pashja thotë se qeveria dhe komuniteti myslyman duhet t'i kishin paraprirë problemit sirian.<br /><br />Djali im nuk është terrorist dhe kërkoj nga drejtësia të hetojë, përfundon 70 vjecarja.
