Komisariati i policisë së Fushë Krujës vihet sërish në qendër të sulmeve me eksploziv.<br /><br />Për herë të tretë persona ende të paidentifikuar kanë hedhur tritol në oborrin e komisariatit në derën e pasme të Komisariatit rreth orës 22:00.<br /><br />Nga shpërthimi janë dëmtuar disa automjete të bllokuara që ndodheshin në pjesen e pasme te ambjenteve te komisariatit, ndërsa dëme materiale ka pasur edhe në banesat e pallateve të zonës, ku pjesa më e madhe e xhamave të dritareve të tyre janë thyer.<br /><br /><br />Uniformat blu të Fushë Krujës kanë nisur hetimet për identifikimin dhe kapjen e autorëve të këtij akti, ndërsa nga shpërthimi nuk ka të lënduar vetëm dëme materiale, ku jane demtuar disa automjete.<br /><br />Dyshohet se, lënda eksplozive është hedhur nga mbrapa komisariatit dhe është përplasur në derë duke shpërthyer.<br /><br />Ndërkaq uniformat blu kanë marrë kamerat e sigurisë së një banke përballë derës, që dyshohet të ketë fiksuar autorët e hedhjes së ekplozivit, çfarë do të mundësonte më pas dhe identifikimin e tyre.<br /><br />Kjo është hera e tretë brenda këtij viti që regjistrohen shpërthime të tilla ekspozivi në Komisariat. Rasti i parë ishte në 21 janar 2014, ku pranë rrethimit të këtij institucioni u hodh një sasi e vogël lënde shpërthyese, e llojit tritol. Nga shpërthimi me eksploziv u dëmtua vetëm një automjet.<br /><br />Ndërkaq në 3 mars të 2014, do regjistrohej shpërthimi i dytë, ku një sasi eksplozivi u hodh nga jashtë brenda rrethimit të komisariatit. Fatmirësisht nga shpërthimi nuk pati të lënduar, vetëm dëme materiale, ku u dëmtuan dy automjete që ishin të parkuara.
