TIRANE- Kryeministri Edi Rama dhe ekipi i tij i ALUIZ-it kryesuar nga Artan Lame kanë ndarë sot në qytetin e Korçës, dhjetra çertifikata pronësie për banesa të sapolegalizuara. I shoqëruar edhe nga Zv.Kryeministri Niko Peleshi, ish-Kryebashkiak i Korçës, Rama ka sqaruar me një gjuhë të thjeshtë, larg termave financiarë apo juridikë, sesi po bëhet legalizimi i banesave dhe po u jepet pronësia në hipotekë nga kjo Qeveri, qytetarëve në gjithë vendin.<br /><br />Kryeministri sqaroi dy momentet bazë: Kur shtëpia është ndërtuar në tokën e familjes, pronësia jepet automatikisht dhe pas asnjë pagesë ndërsa në rastin kur ajo është ngritur në tokë të shtetit, dokumenti i pronësisë po ashtu do të jepet menjëherë por kundrejt një shume simbolike, larg vlerës së vërtetë të tokës së zënë. <br /><br />"Ne do t'i japim lejet e legalizimit falas për të gjtihë, pa asnjë vonesë, me përjashtim të kohës që duhet për dokumentacionin dhe nuk do jenë më familjet që do shkojnë tek ALUIZNI, por e kundërta,"- deklaroi Kryeministri. - "Nëse gjithë dokumentacioni që deri dje kushtonte "një djall e gjysëm", ai sot plotësohet falas dhe nuk do merret asnjë qindarkë nga qytetari në momentin që ai dorëzohet. Kush ka ndërtuar në tokën e tij, kuptohet që s'ka asnjë detyrim dhe do marrë menjëherë në dorë dokumentin e pronësisë."<br /><br />Për atë që ka ndërtuar në tokën e shtetit, sqaroj se ai duhet të kontribuojë me një shumë simbolike, me qëllim që me atë fond të shlyhen ish-pronarët dhe ai vetë të mos ketë asnjë konfilkt me ta, që nesër askush të mos u trokasë në derë. Me kontributin për tokën, që është fare simbolik krahasuar me çmimin real të tokës, ky konflikt me ish-pronarin të mos jetë më një rrezik real dhe familja t'i thotë kujtdo "se e kam mbyllur këtë çështje me shtetin."<br /><br />E fundit, që përbën ndryshimin e madh, nëse familja i ka paratë për t'i dhënë menjëherë kur duhet të japë kontributin për tokën që nuk është e vetja, asaj i bëhet një ulje prej 20% nga çmimi, që është në fakt shumë më i ulët në të vërtetë dhe 50% të tjera mund t'i paguajë me letra me vlerë.<br /><br />Në rast se nuk paguan menjëherë, por një vit më vonë, nuk përfiton nga ulja 20% e çmimit, por nga ulja që vjen nga përdorimi i letrave me vlerë.<br /><br />Nëse nuk paguan dot, sigurisht që nuk përfiton më ulje, por pak nga pak kur të ketë mundësi. Pra, si ai që do paguajë, si ai që jo, dokumentin e pronësisë do ta marrë menjëhërë dhe shtëpia do regjistrohet në Hipotekë me një "barrë" hipotekore rreth 4 milionë lekë, sa është mesatarja e këtyre rasteve, por e theksoj, shtëpia kthehet në një pronë dhe si çdo pronë me barrë hipotekore, mund të përdoret për transaksione.<br /><br />Në fund, kreu i Qeverisë theksoi se "ne këtu mbyllim procesin dhe hapim sfidën e urbanizimit të të gjithë këtyre zonave. Nëse gjithë këto vite u legalizuan vetëm 5%, por realisht vetëm 1% me hipotekë, ne do të bëjmë që e kundërta të ndodhë dhe në fund të katër viteve shifrat të jenë të përmbysura dhe pjesa dërrmuese të jetë de fakto, pronare legjitime e asaj shtëpie dhe atij trualli, ...
