Të ndodhur në mesin e debatit për trafikun e drogës, banorët e Bedatit dhe Adriatikut, dy fshatrat e Divjakës ku opozita akuzon se janë ulur dhe ngritur avionët e narkotikëve, thonë se nuk kanë parë dhe dëgjuar asgjë.<br />Rruga prej dy kilometrash që lidh dy fshatrat, sipas deputetëve të PD është përdorur për uljen e avionit dhe trafiku është mbajtur i bllokuar nga makina në të dy fundet e rrugës.<br />"Jo unë nuk kam dijeni për këtë , s'kam parë gjë. Nuk jam në dijeni.S'kam parë gjë"tha një prej banorëve. " Unë për hesapin tim jo"u shpreh një tjetër banor.<br />"Unë jam mes atje fshatit, s'kam parë gjë"tha një banore e fshatit. Por pas publikimit të akuzave, edhe vetë banorët janë përfshirë në dyshime.<br />Një prej tyre thotë se ka dëgjuar nga bashkëshfatarë të tjerë këtë histori, por se vetë nuk ka parë e dëgjuar gjë.<br />"Banor këtu jam po nuk ka qenë. Kur erdha nga puna thanë që është ul një avion këtej poshtë po nuk e di, por thanë që është ulë. Unë s'kam parë gjë. Kështu thanë, po se ku nuk e di"u shpreh një banor.<br />Prej më shumë se 10 ditësh, opozita ka hedhur akuza se infrastruktura e ushtrisë po përdoret për trafikun e drorgës dhe se avionët e ngarkuar me lëndën narkotike, po ngarkohen në disa zona të vendit, si Divjakë, Gjadër apo edhe Gjirokastër.<br />Akuzat janë hedhur poshtë nga mazhoranca, e cila ka propozuar edhe një Komision Hetimor për këtë çështje, ndërsa Prokuria e Përgjithshme ka nisur hetimet dhe i ka bërë thirrje opozitës të sjellë prova për akuzat e saj.
