KORCE- Amnistia ka "falur" dhe të akuzuarit për blerjen e votave në Korçë. Bëhet fjalë për skandalin e pagesave për studentët korçarë që studionin në Tiranë për të votuar në vendlindje, i cili është denoncuar nga emisioni investigativ "Fiks Fare". Burime pranë Prokurorisë së Korçës thanë se amnistia ka përfshirë të gjitha veprat penale që dënohen deri në dy vite burg.<br /> <br />Amnistia përjashton të dënuarit për veprën penale në fushën e zgjedhjeve, por interpretimi që personat e akuzuar nuk janë dënuar ende i përfshinë këta në pikën përgjithësuese të parimit te përgjithshëm që përfitojnë të gjithë ata që kanë kryer vepra penale me dënim deri në dy vjet.<br /> <br />Neni 325 i kodit penal për të cilin akuzohen personat e përfshirë në skandalin e zgjedhjeve dënohet nga gjobë deri në dy vite burg.
