Elbasan-Nënë e bir humbën jetën pasi banesa e tyre u përfshi nga flakët një orë pas mesnatës së të dielës .<br />Ngjarja ka ndodhur në lagjen Brigada e 17- Sulmuesve. Viktimat janë Lumturi Basha e moshës 30-vjeçare dhe djali K. Basha 7-vjeç , të komunitetit rom.<br />Nga flakët është plagosur dhe ndodhet në gjëndje të rëndë edhe kryefamiljari, Edmond Seferi.<br />Për të shuar flakët janë dashur dy zjarrfikëse. Edhe banorë të zonës kanë tentuar t'i vijnë në ndihmë për të shuar flakët por ka qenë e pamundur.<br />Sipas policisë shkak i zjarrit mund të ketë qenë soba me dru. Fakti që banesa ishte improvizuar me dërrasa, kartona dhe llamarina ka favorizuar shumë shpejt përhapjen e flakëve dhe gjithçka ka ndodhur brenda pak minutash.<br />Banesa e përfshirë nga flakët ndodhet në lagjen ku jetojnë banorë të komunitetit egjiptian.
