Fushë Krujë- Një tjetër shpërthim trondit qytetin e Fushë Krujës.<br /><br />Gati dy orës pas mesnatës së 21 prillit 2014 persona ende të paidentifikuar kanë shpërthyer me eksploziv një furgon i cili përdorej për të lëvizur pasagjerë.<br /><br />Shpërthimi ndodhi rreth orës 02:00 dhe furgoni tip taksi 8+1 me targa AA900T ishte në pronësi të shtetasit Bujar Zalla.<br /><br />Mendohet se eksplozivi është vendosur në pjesën e parme të motorit të makinës.<br /><br />Furgoni ka qenë i parkuar pranë banesës së Zallës, e cila ndodhet në qendër të Fushë-Krujës, vetem 50 metra larg nga godina e komisariatit të policisë.<br /><br />Fatmirësisht nga shpërthimi nuk ka patur dëme në njerez apo demtime te banesave perreth<br /><br />Janë shoqëruar disa persona për tu marrë në pyetje për të ndihmuar në zbardhjen e ngjarjes si dhe për identifikimin e autorëve të këtij shpërthimi.<br /><br />Gjithashtu do të merret në pyetje edhe pronari i furgonit.
