VLORE - Konflikti për pronën ka çuar një 23-vjeçar drejt vrasjes së ish vjehrrit të tij dhe plagosjes më thikë të ish-vjehrrës në banesën e tyre. I riu ka qenë i fejuar me vajzën e viktimës dhe janë ndarë para një viti, ka qenë vajza e cila i ka dhënë fund lidhjes mes tyre.<br /> <br />Ngjarja është shënuar mbrëmjen e së martës në qytetin e Vlorës, ndërsa paraditen e sotme policia ka vënë në pranga autorin e krimit, Marjo Bejdollarin.<br /> <br />23 vjecari mbrëmjen e djeshme qëlloi me thikë 48-vjecarin, Agim Saraseli, duke e lënë të vdekur, ndërsa plagosi edhe bashkëshorten e tij Dile Saraseli, e cila tashmë ndodhet në spitalin Vlorës nën kujdesin e bluzave të bardha.<br /> <br />Skena e krimit ka ndodhur në banesën e viktimës në lagjen "24 maj" të qytetit bregdetar, ndërsa palët e përfshira në konflikt ishin nga qyteti i Gramshit dhe dyshohet që debatet për ndarjen e pasurisë të jenë motivi kryesor i këtij krimi.<br /> <br />Të afërm të viktimës jashtë kameras pohojnë se i riu është futur gjatë natës në shtëpinë e ish krushqve të tij, teksa pjestarët e familjes Saraseli ishin në gjumë.<br /> <br />23 vjecari ka shkuar në dhomën e ciftit bashkëshortor dhe ka qëlluar disa herë me thikë në drejtim të Agim dhe Dile Saraseli.<br /> <br />Për pasojë 48-vjeçari ka gjetur vdekjen e menjëhershme si pasojë e plagëve të marra, ndërsa bashkëshortja e tij ka mbetur e plagosur rëndë pasi ka marrë plagë në disa pjesë të trupit.<br /> <br />Autori më pas është larguar nga banesa, por ka qënë një nga vajzat ciftit Saraseli, që ka parë autorin dhe dhënë informacion për policinë.<br /> <br />Blutë e Vlorës kanë mbërritur menëjherë në vëndngjarje, dhe nisën e hetimet për zbardhjen e vrasjes, ndërsa pasi u bë identifikimi i i autorit u realizua ndalimi i tij.
