PRISHTINË- Kuvendi i Kosovës miratoi me 89 vota pro, 22 kundër dhe 2 abstenim themelimin e Gjykatës Speciale për krime lufte dhe vazhdimin e mandatit të EULEX-it. <br /><br />Në fjalën e tij kryeministri Hashim Thaçi tha para votimit se krijimi i Gjykatës Speciale për krimet e luftës është fyese dhe padrejtësi.<br /><br />Sipas tij, kosovarët nuk kanë bërë luftë pushtuese por çlirimtare. Ai tha se ky është vendimi më i vështirë që kanë që duhet të merrnin deputetët e Kuvendit, e megjithatë i ftoi të votonin në favor të themelimit pasi e drejta është në anën e Kosovës.<br /><br />ORA 13:30, KUVENID MIRATON GJYKATË SPECIALE <br /><br />Me kërkesë të kryetarit të Kuvendit, Jakup Krasniqi, parlamenti votoi me 93 vota pro dhe 15 kundër për shmangien e Rregullores së Kuvendit, në mënyrë që të përshpejtohen procedurat për projektligjet për vazhdimin e mandatit të EULEX-it dhe themelimin e Gjykatës Speciale.<br /><br />Themelimi i Gjykatës Speciale për krime lufte, erdhi pas raportit të senatorit zvicerian Dick Marty, ku thuhet se disa individë brenda radhëve të UÇK-së që kanë kryer krime gjatë luftës së fundit.<br /><br />ORA 11:20, PDK, LDK, AAK POR-THEMELIMIT TË GJYKATËS, VEËVENDOSJA KUNDER<br /><br />Liderët e Grupeve Parlamentare të PDK-së LDK-së dhe AAK-së janë shprehur pro themelimit të Gjykatës Speciale për t'i dënuar krimet e pretenduara të UÇK-së, ndërsa Vetëvendosja është shprehur kundër.<br /><br />Adem Grabovci i PDK-së ka thënë se pavarësisht se Gjykata është e padrejtë deputetët e PDK-së do të votojnë pro themelimit të saj.<br /><br />Edhe Ismet Beqiri i LDK-së ka thënë se lufta e UÇK- së ka qenë e drejtë por Gjykata duhet të themelohet për t'i hequr të gjitha dyshimet se ka pasur krime gjatë luftës. Ai ka thënë se deputetët e LDK-së do të votojnë pro themelimit të Gjykatës.<br /> <br />Edhe kreu i Grupit Parlamentar i AAK-së, Ardian Gjini ka thënë se është në të mirë të Kosovës themelimi i Gjykatës Speciale e mos t'i lihet ndërkombëtarëve të themelojnë Tribunal ndërkombëtarë për Kosovën.Ai ka thënë se pikërisht Qeveria e Kosovës është fajtore pse ka ardhur deri te ky moment dhe drejtësia s'ka vepruar pas raportit të Dick Martyt.<br /><br />"Është në të mirën e Kosovës t'i hapim dyer dhe të themelohet një Gjykatë para se të formohet një Tribunal ndërkombëtarë për Kosovën", ka thënë ai.<br /><br /> ORA 11:00, THAÇI: KY DO TË JETË VENDIMI MË I VËSHTIRË<br />Kryeministri i Kosovës, Hashim Thaçi në fjalën e tij u shpreh se ky do të jetë vendimi më i vështirë i marrë ndonjëherë për të gjithë deputetët e Kuvendit; ngritja e gjykatës ku të akuzuar janë luftëtarët e UÇK-së.<br /><br />"Ne duhet ta ruajmë besimin e plotë në SHBA dhe BE", ka thënë Thaçi, teksa ka folur për Gjykatën.Ai ka thënë se bashkë duhet të kalohet kjo sfidë e madhe për Kosovën.<br /><br />"Nuk kemi shumë opsione shumë. Kemi vetëm një opsion të bashkëpunojmë me SHBA, BE dhe të formojmë këtë Gjykatë", ka shtuar ai.<br /> <br />10:00, DEPUTETËT VENDOSIN TË DISKUTOJNË PËR GJYKATËN SPECIALE<br />"Sipas rregullores, çdo material që vjen duhet të pres dhjetë ditë, e pas dhjetë ditëve të hyjë në rend të ditës në seancë, por në rastin kon...
