Ambasadori i OSBE-së Florian Raunig përsëriti sot apelin ndaj të gjithë faktorëve të jenë pjesë e reformës territoriale, për të shmangur çdo pasojë edhe nëse kjo reformë ka implikime në reformën zgjedhore. Nga ana e tij Ministri i Shtetit per Çeshtjet Vendore, Bledi Çuçi garantoi sot se kjo reformë nuk ka asgjë të bëjë me reformën elektorale<br />"Reforma territoriale është reforma territoriale. Nuk është e thënë që reforma territoriale të ketë patjetër implikime, mund të ketë, por prandaj palët të ulet të flasim me njëri tjetrin." tha ambasadori i OSBE-së në Tiranë, Florian Raunig, i pyetur nga gazetarët a mund të ketë ndikim reforma territoriale në atë zgjedhore<br />Ambasadori i OSBE-se nënvizoi : "Reforma është shumë e rëndësishme. Është kohë për të filluar me reformën dhe të gjithë faktorët të marrin pjesë në të. Të gjithë faktorët duhet të marrin pjesë në një reformë të tillë" tha ambasadori i OSBE-së në Tiranë, Florian Raunig.<br />Çuçi: Ju garantojmë s'e është vetëm teknike<br />Nga ana e tij Ministri i Shtetit per Çeshtjet Vendore, Bledi Çuçi garantoi sot se kjo reformë nuk ka asgjë të bëjë me reformën elektorale.<br />"Mazhoranca nuk do të bëjë asgjë që ka të bëjë me reformën elektorale. Reforma territoriale do të fokusohet vetëm në riorganizimin administrativ territorial.<br />Reforma është e udhëhequr nga kritere tërësisht teknike dhe ju jap garanci se ambasadorët nuk patën asnjë shqetësim" u shpreh ministri Çuçi pas takimit me ambasadorin e OSBE-së Florian Raunig që u zhvillua sot paradite në Hotel Sheraton.
