Shkodër- Policia e Shkodrës identifikon dhe shpall në kërkim autorin e ekzekutimit me snajper të Kol Drinit mëngjesin e 23 prillit në fshatin Vukatanë të Komunës Gur i Zi.<br />Kol Drini u ekzekutua teksa po punonte tokën e tij.<br />Policia thotë se autori i vrasjes ai është Eduart Arra i datëlindjes 1981. Policia po kryen kontrolle në zonë për arrestimin e autorit të vrasjes.<br />Familjet në gjak prej 1993<br />Familjet Drini dhe Arra prej 1993 ishin në gjak, kur Mark Drini i vëllai i viktimës ekzekutoi Eduart Arrën I cili ishte xhaxhai i 31 vjeçarit të shpallur në kërkim. Mësohet se Mark Drini kishte vuajtur dënimin dhe më pas ishte larguar drejt Amerikës ku dhe jeton aktualisht.<br />Autorët qëlluan 50 metra në distancë<br />Sipas grupit hetimor, dyshohet se vrasja është kryer me snajper, kjo edhe për shkak se në vendngjarje nuk është gjetur asnjë gëzhojë përveç 2 predhave të plumbave në trupin e 55-vjeçarit.<br />Sipas policisë autorët kanë qëlluar brenda automjetit nga rruga kryesore që lidh fshatin Vukatanë me Gurin e Zi, ndërsa janë larguar menjëherë të pashqetësuar nga askush.
